അറാർ: തിങ്കളാഴ്ച പെയ്ത കനത്ത മഴയെ തുടർന്ന് വാഹനം ഒഴുക്കിൽപെട്ട് സ്വദേശി മരിച്ചു. ശുഅയ്ബ് അറാർ വാദിയിലാണ് സംഭവം. തിങ്കളാഴ്ച വൈകുന്നേരമാണ് മകനെ കണാനില്ലെന്നും വാഹനം ശുൈഅബ് അറാറിലുണ്ടെന്നും ഒരാൾ വിവരം അറിയിച്ചതെന്ന് ഹുദൂദ് ശിമാലിയ സിവിൽ ഡിഫൻസ് വക്താവ് കേണൽ ഫഹദ് അൽഅൻസി പറഞ്ഞു. സ്ഥലത്തെത്തിയ സിവിൽ ഡിഫൻസ് സംഘം വാഹനം കണ്ടെത്തി. ചൊവ്വാഴ്ച രാവിലെ വരെ തെരച്ചിൽ തുടർന്നു. അതിനിടയിലാണ് വാഹനം കണ്ടെത്തിയ സ്ഥലത്ത് നിന്ന് മൂന്ന് കിലോമീറ്റർ അകലെ മകെൻറ മൃതദേഹം പിതാവ് കണ്ടെത്തിയതെന്ന് വക്താവ് പറഞ്ഞു. തിങ്കളാഴ്ചത്തെ മഴയിൽ ബദ്റിൽ വെള്ളക്കെട്ടിൽ കുടുങ്ങി സുഡാനി പൗരൻ മരിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.