ജിദ്ദ: മക്ക ഹറം വികസനത്തിെൻറ ഭാഗമായി ഹറം കവാടം നവീകരിക്കുന്ന ജോലികൾ പുരോഗമിക്കുന്നു. കിങ് അബ്ദുൽ അസീസ്, അൽഉംറ ഗേറ്റ്, അൽഫത്ഹ് ഗേറ്റ് എന്നിവയാണ് നിലവിലെ ഹറം വികസനത്തിന് അനുസൃതമായ രീതിയിൽ മാറ്റിപ്പണിയുന്നത്. കവാടങ്ങളുടെ അവസാന ഘട്ട ജോലികളാണ് നടന്നുവരുന്നത്. ഇതിനാവശ്യമായ യന്ത്ര സാമഗ്രികൾ സ്ഥലത്ത് ഒരുക്കി. ഇരുഹറം കാര്യാലയ മേധാവി ഡോ. അബ്ദുറഹ്മാൻ അൽസുദൈസിയുടെ നേരിട്ടുള്ള മേൽനോട്ടത്തിലാണ് ജോലികൾ പുരോഗമിക്കുന്നതെന്ന് എൻജിനീയറിങ്, ഒാപറേഷൻ കാര്യ ഒാഫീസ് അസിസ്റ്റൻറ് മേധാവി എൻജിനീയർ മുഹമ്മദ് അൽസബാൻ പറഞ്ഞു. സമയബന്ധിതമായി ജോലികൾ നടന്നുവരുന്നുണ്ട്. മാർബിൾ പതിക്കുന്നതിെൻറ മുന്നോടിയായുള്ള പണികളും ഇലക്ട്രോ, മെക്കാനിക്കൽ ജോലികളും നടപ്പിലാക്കി വരുന്നതിൽ ഉൾപ്പെടുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.