ജിദ്ദ: തനിമ നോർത്ത് സോൺ വനിത വിഭാഗത്തിെൻറ ആഭിമുഖ്യത്തിൽ ബാങ്ക്ൾസ് ആർട്സ് ക്ലബ് വനിതകൾക്കായി സംഘടിപ്പിക്കുന്ന എക്സ്പോ ‘നിഗാഹ്‌ 2018’ വെള്ളിയാഴ്ച വരെ നടക്കും. ശറഫിയ്യ ഇമ്പാല ഗാർഡനിൽ വൈകുന്നേരം നാല് മുതൽ രാത്രി പത്ത് വരെയാണ് പരിപാടി. പെയിൻറിങ്, കാലിഗ്രാഫി, ഫോട്ടോഗ്രാഫി, ക്രാഫ്റ്റ്, ജ്വല്ലറി, ഫാഷൻ, ഇന്നൊവേറ്റീവ് ഫുഡ് എന്നീ വിഭാഗങ്ങളിലായിട്ടായിരിക്കും പ്രദർശനങ്ങൾ. സ്ത്രീകളുടെ കലാപരിപാടികൾ, മൈലാഞ്ചി കോർണർ, പ്രശസ്തർ നയിക്കുന്ന ടോക്‌ ഷോ, ഹെൽത്ത് ഗൈഡൻസ്, ഷോപ്പിങ് എന്നിവ എക്സ്പോയുടെ ഭാഗമായുണ്ടാവും. പൂർണമായും സ്ത്രീകൾ നിയന്ത്രിക്കുന്ന പരിപാടിയിൽ സ്ത്രീകൾക്ക് മാത്രമായിരിക്കും പ്രവേശനം. സൗദി ഫിലിം നിർമാതാവും, ടെലിവിഷൻ റേഡിയോ പരിപാടികളിൽ നിറസാന്നിധ്യയയുമായ സമീറ അബ്്ദുൽ അസീസ് ഉദ്ഘാടനം ചെയ്യും. പ്രവേശനം സൗജന്യമാണ് എന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.