ജിദ്ദ: സൗദിയിൽ 384 പേർക്ക് കൂടി കോവിഡ് സ്ഥിരീകരിച്ചു. 737 പേർ രോഗമുക്തി നേടി. ഇതോടെ രാജ്യത്ത് ആകെ കോവിഡ് ബാധിച്ചവരുടെ എണ്ണം 5,41,994 ആയി. ആകെ രോഗമുക്തി നേടിയവരുടെ എണ്ണം 5,28,636 ആണ്. ഇന്ന് 12 പേരാണ് കോവിഡ് ബാധിച്ച് മരിച്ചത്. ഇതോടെ രാജ്യത്തെ ആകെ മരണം 8,481 ആയി.
നിലവിൽ 4,877 പേരാണ് ചികിത്സയിൽ. ഇവരിൽ 1,156 പേർ ഗുരുതരാവസ്ഥയിലാണ്. രാജ്യത്തെ ആകെ രോഗമുക്തി നിരക്ക് 97.53 ശതമാനവും മരണനിരക്ക് 1.56 ശതമാനവുമാണ്.
വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 134, മക്ക 62, കിഴക്കൻ പ്രവിശ്യ 37, ജീസാൻ 31, അൽ ഖസീം 30, അസീർ 23, മദീന 21, നജ്റാൻ 21, ഹായിൽ 12, തബൂക്ക് 5, അൽബാഹ 3, വടക്കൻ അതിർത്തി മേഖല 3, അൽ ജൗഫ് 2. ഇതുവരെ രാജ്യത്ത് 3,37,29,408 ഡോസ് കോവിഡ് വാക്സിൻ വിതരണം നടത്തിയതായി സൗദി ആരോഗ്യ മന്ത്രാലയം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.