റിയാദ്: സൗദി അറേബ്യയിൽ കോവിഡ് ബാധിച്ച് 17 പേർ കൂടി മരിച്ചു. 302 പേർക്കാണ് പുതുതായി രോഗം സ്ഥിരീകരിച്ചത്. 407 പേർ കോവിഡ് മുക്തരായി. ആകെ കോവിഡ് കേസുകളുടെ എണ്ണം 356691 ആയി. രോഗമുക്തരുടെ ആകെ എണ്ണം 345622 ആയി ഉയർന്നു. ആകെ മരണസംഖ്യ 5857 ആണ്.
ചികിത്സയിലുള്ള കോവിഡ് ബാധിതരുടെ എണ്ണം 5212 ആയി കുറഞ്ഞു. ഇതിൽ 698 പേർ മാത്രമാണ് ഗുരുതരാവസ്ഥയിലുള്ളത്. ഇവർ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 96.7 ശതമാനമായി. മരണനിരക്ക് 1.6 ശതമാനമായി തുടരുന്നു.
24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് റിയാദിലാണ്, 70. ജിദ്ദ 28, യാംബു 18, മദീന 17, ദഹ്റാൻ 14, മക്ക 14, ദമ്മാം 8, ഹുഫൂഫ് 6, അൽഅയ്സ് 6, ഹാഇൽ 6, തബൂക്ക് 6, ബുറൈദ 5, ത്വാഇഫ് 5, നജ്റാൻ 5 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.