യൂ​റോ​പ്പി​ലേ​ക്ക് സൗ​ദി​യി​ൽ​നി​ന്ന്​ ഹ​രി​ത ഹൈ​ഡ്ര​ജ​ൻ ക​യ​റ്റു​മ​തി ചെ​യ്യും, ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു

യാം​ബു: ആ​ഗോ​ളത​ല​ത്തി​ൽ ശു​ദ്ധ​മാ​യ ഹ​രി​ത ഹൈ​ഡ്ര​ജ​ൻ ഉ​ൽപാ​ദി​പ്പി​ക്കു​ന്ന കേ​ന്ദ്ര​മാ​യി മാ​റാ​നു​ള്ള ശ്ര​മ​ങ്ങ​ളി​ലെ പ്ര​ധാ​ന ചു​വ​ടു​വെ​പ്പാ​യി യൂ​റോ​പ്പി​ലേ​ക്ക് ഹ​രി​ത ഹൈ​ഡ്ര​ജ​ൻ ക​യ​റ്റു​മ​തി ചെ​യ്യാ​നൊ​രു​ങ്ങി സൗ​ദി അ​റേ​ബ്യ. യൂ​റോ​പ്പി​ലേ​ക്ക് ഗ്രീ​ൻ ഹൈ​ഡ്ര​ജ​നും പു​ന​രു​പ​യോ​ഗ ഊ​ർ​ജ​വും ക​യ​റ്റു​മ​തി ചെ​യ്യു​ന്ന​തി​നാ​യി ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു. റി​യാ​ദി​ൽ ന​ട​ന്ന ഒ​രു ഉ​ന്ന​ത​ത​ല ശി​ൽ​പ​ശാ​ല​യി​ൽ പ്ര​മു​ഖ അ​ന്താ​രാ​ഷ്​​ട്ര പ​ങ്കാ​ളി​ക​ളു​മാ​യി എ.​സി.​ഡ​ബ്ല്യു.​എ പ​വ​ർ നി​ര​വ​ധി ക​രാ​റു​ക​ളി​ലും ധാ​ര​ണ​പ​ത്ര​ങ്ങ​ളി​ലും ഒ​പ്പു​വെ​ച്ച​തോ​ടെ ക​യ​റ്റു​മ​തി​ക്ക് ഔ​ദ്യോ​ഗി​ക​മാ​യി അം​ഗീ​കാ​രം ന​ൽ​കി​യ​താ​യി ബ​ന്ധ​പ്പെ​ട്ട​വ​ർ അ​റി​യി​ച്ചു.

സൗ​ദി ഊ​ർ​ജ മ​ന്ത്രാ​ല​യ​ത്തി​ന്റെ മേ​ൽ​നോ​ട്ട​ത്തി​ൽ ഊ​ർ​ജ മ​ന്ത്രി അ​മീ​ർ അ​ബ്​​ദു​ൽ അ​സീ​സ് ബി​ൻ സ​ൽ​മാ​ൻ പ​ങ്കെ​ടു​ത്ത പു​ന​രു​പ​യോ​ഗ ഊ​ർ​ജ, ഗ്രീ​ൻ ഹൈ​ഡ്ര​ജ​ൻ ക​യ​റ്റു​മ​തി വ​ർ​ക്​​ഷോ​പ്പി​ൽ സൗ​ദി, ഗ്രീ​സ്, ഫ്രാ​ൻ​സ്, ജ​ർ​മ​നി എ​ന്നി​വി​ട​ങ്ങ​ളി​ലെ ഉ​ന്ന​ത ഉ​ദ്യോ​ഗ​സ്ഥ​രും ആ​ഗോ​ള ഊ​ർ​ജ സ്ഥാ​പ​ന​ങ്ങ​ളു​ടെ​യും ദേ​ശീ​യ സ്ഥാ​പ​ന​ങ്ങ​ളു​ടെ​യും എ​ക്സി​ക്യൂ​ട്ടി​വു​ക​ളും ഒ​ത്തു​ചേ​ർ​ന്നു. ക​യ​റ്റു​മ​തി​ക്കാ​യി സ​മ​ർ​പ്പി​ച്ചി​രി​ക്കു​ന്ന രാ​ജ്യ​ത്ത് വ​ലി​യ തോ​തി​ലു​ള്ള പു​ന​രു​പ​യോ​ഗ ഊ​ർ​ജ പ​ദ്ധ​തി​ക​ൾ വി​ക​സി​പ്പി​ക്കു​ന്ന​തി​നും സൗ​ദി അ​റേ​ബ്യ​യെ​യും യൂ​റോ​പ്പി​നെ​യും ബ​ന്ധി​പ്പി​ക്കു​ന്ന ട്രാ​ൻ​സ്മി​ഷ​ൻ ഇ​ട​നാ​ഴി​ക​ൾ സൃ​ഷ്​​ടി​ക്കു​ന്ന​തി​നും ശ​ക്ത​മാ​യ ഒ​രു ച​ട്ട​ക്കൂ​ട് സ്ഥാ​പി​ക്കു​ക എ​ന്ന​താ​ണ് ക​രാ​റു​ക​ളു​ടെ ല​ക്ഷ്യം.

കി​ഴ​ക്കും പ​ടി​ഞ്ഞാ​റും ബ​ന്ധി​പ്പി​ക്കു​ന്ന ത​ന്ത്ര​പ​ര​മാ​യ സ്ഥാ​നം ശ​ക്തി​പ്പെ​ടു​ത്തു​ന്ന ഇ​ന്ത്യ-​മി​ഡി​ലീ​സ്​​റ്റ്​-​യൂ​റോ​പ്പ് സാ​മ്പ​ത്തി​ക ഇ​ട​നാ​ഴി​യി​ൽ രാ​ജ്യ​ത്തി​​ന്റെ പ്ര​ധാ​ന പ​ങ്കി​ന്റെ ഭാ​ഗ​മാ​ണി​ത്. വൈ​ദ്യു​തി ക​യ​റ്റു​മ​തി​ക്കു​ള്ള വി​പ​ണി ആ​വ​ശ്യ​ക​ത​യും സാ​ങ്കേ​തി​ക സാ​ധ്യ​ത​യും വി​ല​യി​രു​ത്തു​ന്ന​തി​നാ​യി എ​ഡി​സ​ൺ എ​സ്.​പി.​എ (ഇ​റ്റ​ലി), ടോ​ട്ട​ൽ എ​ന​ർ​ജി​സ് റി​ന്യൂ​വ​ബി​ൾ​സ് എ​സ്.​എ.​എ​സ് (ഫ്രാ​ൻ​സ്), ഷെ​റോ യൂ​റോ​പ്പ് ബി.​വി (നെ​ത​ർ​ലാ​ൻ​ഡ്‌​സ്), എ​ൻ.​ബി.​ഡ​ബ്ല്യു (ജ​ർ​മ​നി) എ​ന്നി​വ​യു​ൾ​പ്പെ​ടെ​യു​ള്ള പ്ര​മു​ഖ യൂ​റോ​പ്യ​ൻ സ്ഥാ​പ​ന​ങ്ങ​ളും എ.​സി.​ഡ​ബ്ല്യു.​എ പ​വ​റും ത​മ്മി​ൽ ഒ​രു മ​ൾ​ട്ടി-​പാ​ർ​ട്ടി എം.​ഒ​യും ഒ​പ്പു​വെ​ച്ചു.

2030ൽ ​പ്ര​വ​ർ​ത്ത​നം ആ​രം​ഭി​ക്കാ​ൻ പോ​കു​ന്ന ‘യാം​ബു ഗ്രീ​ൻ ഹൈ​ഡ്ര​ജ​ൻ ഹ​ബ്ബി’​ൽ സ​ഹ​ക​രി​ക്കു​ന്ന​തി​ന് ജ​ർ​മ​നി​യു​ടെ എ​ൻ.​ബി.​ഡ​ബ്ല്യു​വു​മാ​യി ഒ​രു സം​യു​ക്ത വി​ക​സ​ന ക​രാ​റും ഇ​തി​ന​കം പൂ​ർ​ത്തി​യാ​ക്കി​യി​ട്ടു​ണ്ട്. പു​ന​രു​പ​യോ​ഗ ഊ​ർ​ജ ഉ​ൽപാ​ദ​നം, ഡീ​സ​ലൈ​നേ​ഷ​ൻ, വൈ​ദ്യു​ത​വി​ശ്ലേ​ഷ​ണം, അ​മോ​ണി​യ പ​രി​വ​ർ​ത്ത​നം, ക​യ​റ്റു​മ​തി ടെ​ർ​മി​ന​ൽ എ​ന്നി​വ​യു​ള്ള ഒ​രു പൂ​ർ​ണ സം​യോ​ജി​ത സ​മു​ച്ച​യ​മാ​യി​രി​ക്കും ഈ ​പ​ദ്ധ​തി​യെ​ന്ന് മ​ന്ത്രാ​ല​യം അ​റി​യി​ച്ചു. എ​ല്ലാ ത​ര​ത്തി​ലു​മു​ള്ള ഊ​ർ​ജം ക​യ​റ്റു​മ​തി ചെ​യ്യാ​ൻ സൗ​ദി ഒ​രു​ങ്ങി​യ​തോ​ടെ സാ​മ്പ​ത്തി​ക വൈ​വി​ധ്യം എ​ന്ന ല​ക്ഷ്യം പൂ​ർ​ത്തി​യാ​ക്കാ​ൻ സൗ​ദി​ക്ക് ക​ഴി​യു​മെ​ന്ന പ്ര​തീ​ക്ഷ​യി​ലാ​ണ്.