റിയാദ്: സൗദി അറേബ്യയിൽ പുതിയ കോവിഡ് കേസുകളുടെ എണ്ണത്തിൽ വീണ്ടും വർധന. അഞ്ചുദിവസത്തിനിടെ പുതിയ രോഗികളുടെ പ്രതിദിന കണക്ക് വീണ്ടും 300ന് മുകളിലായി. ബുധനാഴ്ച 326 പേർക്കാണ് പുതുതായി രോഗം സ്ഥിരീകരിച്ചത്. 476 പേർ കൂടി കോവിഡ് മുക്തരായി. എന്നാൽ മരണനിരക്ക് വീണ്ടും താഴ്ന്നു. രാജ്യത്ത് വിവിധ ഭാഗങ്ങളിലായി ബുധനാഴ്ച 14 മരണങ്ങളാണ് റിപ്പോർട്ട് ചെയ്തത്.
ആകെ കോവിഡ് കേസുകളുടെ എണ്ണം 356067 ആയി. രോഗമുക്തരുടെ ആകെ എണ്ണം 344787 ആയി ഉയർന്നു. ആകെ മരണസംഖ്യ 5825 ആണ്. ചികിത്സയിലുള്ള കോവിഡ് ബാധിതരുടെ എണ്ണം 5455 ആയി കുറഞ്ഞു. ഇതിൽ 724 പേർ മാത്രമാണ് ഗുരുതരാവസ്ഥയിലുള്ളത്. ഇവർ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 96.7 ശതമാനമായി. മരണനിരക്ക് 1.6 ശതമാനമായി തുടരുന്നു.
24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് റിയാദിലാണ്, 61. മക്ക 27, മദീന 26, ജിദ്ദ 17, യാംബു 16, ദമ്മാം 10, ബുറൈദ 9, ഖമീസ് മുശൈത് 9, ഹാഇൽ 9, ഉനൈസ 8, നജ്റാൻ 7, മജ്മഅ 7, മുസാഹ്മിയ 7, വാദി ദവാസിർ 7 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.