റിയാദ്: സൗദി അറേബ്യയിൽ കോവിഡ് ബാധിതരുടെ എണ്ണത്തിൽ ഗണ്യമായ കുറവ്. ചൊവ്വാഴ്ച ആരോഗ്യ വകുപ്പ് പുറത്തുവിട്ട പ്രതിദിന സ്ഥിതി വിവര റിപ്പോർട്ട് പ്രകാരം പുതുതായി 193 പേർക്ക് മാത്രമാണ് കോവിഡ് സ്ഥിരീകരിച്ചത്. രാജ്യത്ത് വിവിധയിടങ്ങളിലായി 12 മരണങ്ങൾ കൂടി റിപ്പോർട്ട് ചെയ്തു. 246 പേർ കോവിഡ് മുക്തരായി.
ആകെ കോവിഡ് കേസുകളുടെ എണ്ണം 359115 ആയി. രോഗമുക്തരുടെ ആകെ എണ്ണം 349414 ആയി ഉയർന്നു. ആകെ മരണസംഖ്യ 5989 ആണ്. രാജ്യത്തെ കോവിഡ് മുക്തി നിരക്ക് 97.3 ശതമാനമായി ഉയർന്നു. മരണനിരക്ക് 1.7 ശതമാനമായി തുടരുന്നു. അസുഖ ബാധിതരായി രാജ്യത്ത് ബാക്കിയുള്ളത് 3712 പേർ മാത്രമാണ്.
ഇതിൽ 573 പേർ മാത്രമാണ് ഗുരുതരാവസ്ഥയിലുള്ളത്. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 53, മക്ക 36, മദീന 28, കിഴക്കൻ പ്രവിശ്യ 21, ഖസീം 12, അസീർ 11, തബൂക്ക് 7, വടക്കൻ അതിർത്തി മേഖല 6, അൽബാഹ 5, നജ്റാൻ 4, ജീസാൻ 4, ഹാഇൽ 3, അൽജൗഫ് 3.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.