റിയാദ്: സൗദി അറേബ്യയിൽ േകാവിഡ് ബാധയിൽ നിന്ന് മുക്തി നേടിയവരുടെ എണ്ണം മൂന്നര ലക്ഷം കവിഞ്ഞു. വെള്ളിയാഴ്ച ആരോഗ്യ വകുപ്പ് പുറത്തുവിട്ട റിപ്പോർട്ട്പ്രകാരം ആകെ കോവിഡ് മുക്തരുടെ എണ്ണം 350108 ആയി. 236 പേരാണ് പുതുതായി രോഗമുക്തി നേടിയത്. അതെസമയം 168 പേർക്ക് പുതുതായി കോവിഡ് സ്ഥിരീകരിച്ചു.
രാജ്യത്ത് വിവിധയിടങ്ങളിൽ 11 പേർ മരിച്ചു. രാജ്യത്ത് ഇതുവരെ കോവിഡ് ബാധിച്ചവരുടെ എണ്ണം 359583 ആണ്. കോവിഡ് ബാധിതരായി രാജ്യത്ത് ബാക്കിയുള്ളത് 3452പേരാണ്. ഇതിൽ 526 പേരുടെ നില ഗുരുതരമാണ്. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 97.3 ശതമാനവും മരണനിരക്ക് 1.7 ശതമാനവുമാണ്. ബാക്കിയുള്ളവരുടെ ആരോഗ്യനില തൃപ്തികരമാണ്.
കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 45, മക്ക 35, കിഴക്കൻ പ്രവിശ്യ 27, മദീന 24, അസീർ 13, ഖസീം 9, തബൂക്ക് 6, നജ്റാൻ 4, ഹാഇൽ 3, അൽജൗഫ് 1, ജീസാൻ 1.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.