റോയൽ ഫോക്കസ്ലൈൻ എഫ്.സി സംഘടിപ്പിച്ച ‘കിങ്ഡം കപ്പ്’ അനാഛാദന ചടങ്ങിൽനിന്ന്
റിയാദ്: റോയൽ ഫോക്കസ്ലൈൻ എഫ്.സി സംഘടിപ്പിക്കുന്ന ‘കിങ്ഡം കപ്പ് 2024’ സെവൻസ് ഫുട്ബാൾ ടൂർണമെന്റിന്റെ ട്രോഫി അനാഛാദനവും ഫിക്സർ പ്രകാശനവും മലസിലെ ചെറീസ് ഓഡിറ്റോറിയത്തിൽ നടന്നു. സയ്യിദ് അലിയുടെ ഖിറാഅത്തോടെ ചടങ്ങിന് തുടക്കമായി. റിയാദ് സെവൻസ് ഫുട്ബാൾ ചരിത്രത്തിൽ ഏറ്റവും വലിയ സമ്മാനത്തുക എന്നതാണ് ഈ ടൂർണമെന്റിന്റെ സവിശേഷത. റിയാദിലെ പ്രമുഖരായ 16 ടീമുകൾ പങ്കെടുക്കുന്ന ടൂർണമെന്റ് ഡിസംബർ 12, 13, 20 തീയതികളിൽ റിയാദ് അൽ ഇസ്കാൻ സ്റ്റേഡിയത്തിൽ നടക്കും.
റോയൽ ഫോക്കസ്ലൈൻ എഫ്.സി മുഖ്യ രക്ഷാധികാരിയും റിയാദ് ഇന്ത്യൻ ഫുട്ബാൾ അസോസിയേഷൻ (റിഫ) പ്രസിഡന്റുമായ ബഷീർ ചേലേമ്പ്ര പരിപാടി ഉദ്ഘാടനം ചെയ്തു. റിഫ സെക്രട്ടറി സൈഫുദ്ദീൻ കരുളായിയും പ്രായോജക സ്ഥാപനങ്ങളുടെ പ്രതിനിധികളും ആശംസകൾ അർപ്പിച്ചു. സ്പോൺസർമാർക്കുള്ള ഉപഹാരം ക്ലബ് ടൂർണമെന്റ് ചെയർമാൻ സാലിഹ്, കൺവീനർ ആദിൽ, ട്രഷറർ ജംഷീദ്, ക്ലബ് രക്ഷാധികാരികളായ ആഷിക്, ഇംതിയാസ്, ക്ലബ് പ്രസിഡന്റ് അർഷാദ്, ക്ലബ് പ്രതിനിധികളായ ഇർഷാദ്, ഫാസിൽ, ഷിഹാബ്, റിയാസ്, മുഹമ്മദ്, ഷാനവാസ്, മജ്റു, ഷാനു, ആഷിക് എന്നിവർ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.