അബഹ: ഖമീസ് ഫ്രണ്ട്സ് ക്രിക്കറ്റ് ക്ലബ് റോണ അണിയിച്ചൊരുക്കുന്ന ഹാർഡ് ടെന്നിസ് ക്രിക്കറ്റ് ടൂർണമെന്റ് സീസൺ നാലിന് ഖമീസിൽ തുടക്കം കുറിച്ചു. ജസീറ കമ്പ്യൂട്ടർ നൽകുന്ന വിന്നേഴ്സ് പ്രൈസ് മണിക്കും ട്രോഫിക്കും അസ്ഫർ ട്രാവൽസ് ഖമീസ് നൽകുന്ന റണ്ണേഴ്സ് പ്രൈസ് മണിക്കും ട്രോഫിക്കും വേണ്ടി അസീറിലെ പ്രമുഖ 11 ടീമുകൾ മാറ്റുരക്കുന്ന ടൂർണമെന്റ് ഫ്രണ്ട്സ് ക്രിക്കറ്റ് റോണ ഹോം ഗ്രൗണ്ടിലാണ് നടക്കുന്നത്.
ഫ്രണ്ട്സ് ക്രിക്കറ്റ് ക്ലബ് റോണ, ഐ.സി.സി, റഞ്ചർസ്, അൽമാനി ചലഞ്ചേഴ്സ്, സൂപ്പർ ഫ്രണ്ട്സ്, റോയൽ റൈഡേഴ്സ്, അബഹ സ്ട്രൈകേഴ്സ്, ഫ്രൈഡേ ചലഞ്ചേഴ്സ് അബഹ, ഫ്രണ്ട്സ് റോണ, അൽ നുമാൻ, റഞ്ചേഴ്സ് ബ്ലാസ്റ്റേഴ്സ് എന്നീ ടീമുകളാണ് റോണ കപ്പിൽ മത്സരിക്കുന്നത്.ഈ മാസം 30ന് വെള്ളിയാഴ്ച ഫൈനൽ നടക്കും. വിശിഷ്ടാതിഥികളായി സോജൻ, താരീഷ് ആലംകോട് എന്നിവർ പങ്കെടുക്കും. പ്രസിഡന്റ് ജംഷീദ്, സെക്രട്ടറി ഇല്ല്യാസ്, ഇസ്മായിൽ, നൗഫൽ തരകൻ, ഷബീബ്, മുസ്തു റോണ, മുർഷിദ് തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.