റിയാദ്: റിയാദ് സീസൺ പരിപാടികളുടെ 80 ശതമാനം ലക്ഷ്യം കൈവരിച്ചതായി ജനറൽ എൻറർടെയി ൻമെൻറ് അതോറിറ്റി ചെയർമാൻ തുർക്കി ബിൻ അബ്ദുൽ മുഹ്സിൻ ആലുശൈഖ് പറഞ്ഞു. പരിപാടികളുടെ അവസാനത്തിൽ കൈവരിക്കേണ്ട ലക്ഷ്യത്തിെൻറ 80 ശതമാനം പത്ത് ദിവസം കഴിഞ്ഞപ്പോഴേക്കും നേടാനായി. പരിപാടികളുടെ വിജയത്തിന് പൂർണപിന്തുണ നൽകിവരുന്ന കിരീടാവകാശി അമീർ മുഹമ്മദ് ബിൻ സൽമാന് അദ്ദേഹം നന്ദി രേഖപ്പെടുത്തി. ഇൗ മാസം 11നാണ് റിയാദ് സീസൺ ആരംഭിച്ചത്. രാജ്യത്തെ ഏറ്റവും വലിയ പരിപാടികളിലൊന്നാണിത്. രാജ്യത്തിനകത്തും പുറത്തുനിന്നുമായി എത്തുന്ന സന്ദർശകർക്ക് റിയാദ് നഗരിയുടെ 12 ഒാളം സ്ഥലങ്ങളിലായി വൈവിധ്യമാർന്ന പരിപാടികളാണ് ഒരുക്കിയിരിക്കുന്നത്. പരിപാടികൾ ഡിസംബർ 15വരെ തുടരുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.