റിയാദ്: ക്രിമിനൽ കേസുമായി ബന്ധപ്പെട്ട് സുപ്രധാന വിവിരങ്ങൾ കൈമാറി പൊലീസിനെ സഹായിച്ച സ്വദേശി പൗരനെയും യാത്രക്കാരൻ മറന്നുവെച്ച വിലപിടിപ്പുള്ള സാധനം പൊലീസിനെ ഏൽപിച്ച പാകിസ്ഥാൻ സ്വദേശിയായ ടാക്സിഡ്രൈവറെയും റിയാദ് പൊലീസ് ആദരിച്ചു. ക്രിമിനൽ കേസിൽ സഹായിച്ചതിന് മുഹമ്മദ് ബിൻ അലിൽ അൽ ബുറൈകി എന്ന പൗരന് റിയാദ് പൊലീസ് മേജർ ജനറൽ ഫഹദ് ബിൻ സെയ്ദ് അൽ മുതൈരി ക്യാഷ് അവാർഡ് സമ്മാനിച്ചു. പാകിസ്ഥാനി ടാക്സി ഡ്രൈവർ നിയാസ് ബാദ്ഷാക്ക് പൊലീസ് ഉപഹാരം നൽകി. നിയമ സംരക്ഷണത്തിനും സാമൂഹികസുരക്ഷിതത്വം ഉറപ്പു വരുത്തുന്നതിനും സഹായിച്ച വ്യക്തികളെ ആദരിക്കുന്നതിൽ സന്തോഷമുണ്ടെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.