പ്രവാസി വെല്ഫെയര് ജിദ്ദ കമ്മിറ്റി സംഘടിപ്പിച്ച ലോകകപ്പ് പ്രവചന മത്സരത്തിൽ വിജയിച്ച ടി.പി. സഹ്ലക്ക് സ്മാർട്ട് ടി.വി സമ്മാനമായി നൽകുന്നു
ജിദ്ദ: പ്രവാസി വെല്ഫെയര് ജിദ്ദ കമ്മിറ്റി സംഘടിപ്പിച്ച ലോകകപ്പ് പ്രവചന മത്സരത്തിൽ ടി.പി. സഹ്ലക്ക് ഒന്നാം സമ്മാനം ലഭിച്ചു. വിജയികള്ക്കുള്ള സമ്മാനദാനവും മലപ്പുറത്ത് നടക്കുന്ന വെൽഫെയർ പാർട്ടിയുടെ സംസ്ഥാന സമ്മേളന പ്രചാരണാർഥം ഷൂട്ട് ഔട്ട് മത്സരവും സംഘടിപ്പിച്ചു.
മത്സരത്തിലെ മെഗാ സമ്മാനമായ സ്മാർട്ട് ടി.വി വിജയിയായ ടി.പി സഹ്ലക്ക് പ്രവാസി വെല്ഫെയര് ജിദ്ദ പ്രസിഡൻറ് ഉമറുല് ഫാറൂഖ് പാലോടും വൈസ് പ്രസിഡൻറ് സുഹറ ബഷീറും ചേര്ന്ന് സമ്മാനിച്ചു. മത്സരത്തില് അഖില് അബ്ദുല് മജീദ്, പി.വി. ഹാരിസ്, കെ.എം. ഷംസീര്, പി.കെ. സിറാജ്, റോബിന് തോമസ്, ഹബീബ്, മുഹമ്മദ് ഇര്ഫാന്, മുജഫാര്, വി.കെ. അന്വര്, രാഹുല് മേനോന് എന്നിവര് ആദ്യ പത്ത് സ്ഥാനങ്ങള് കരസ്ഥമാക്കി. ക്വാര്ട്ടല് ഫൈനല് മുതലുള്ള പ്രതിദിന ജേതാക്കളായ അന്വര് ഒതുക്കുങ്ങല്, മുഹമ്മദ് അയാന്, സുനീര്, സുലൈമാന്, ഷാഹിര് പാറോല്, സിദ്ദീഖ് എന്നിവരും സമ്മാനങ്ങള് ഏറ്റുവാങ്ങി.
പുരുഷ വിഭാഗത്തിലും വനിത വിഭാഗത്തിലും നടത്തിയ ഷൂട്ട് ഔട്ട് മത്സരം മുന് സന്തോഷ് ട്രോഫി താരവും ട്രെയിനറുമായ പി. സഹീര് ഉദ്ഘാടനം ചെയ്തു. വനിത വിഭാഗത്തില് ശാമില ഷൗക്കത്ത്, ഖദീജ ഫവാസ്, നുഹ സാബിത് എന്നിവരും പുരുഷ വിഭാഗത്തില് ആമിര് അബ്ദുല് മജീദ്, ജാഫര് സാദിഖ് ദേവര്തൊടി, അമീറലി കുപ്പണത്ത് എന്നിവരും ജേതാക്കളായി.
എം.പി. അഷ്റഫ്, ഇ.പി. സിറാജ്, ടി.കെ. ഫിദ, സി.എച്ച്. ബഷീര്, ബഷീര് ചുള്ളിയന്, ദാവൂദ് രാമപുരം, എം. അഷ്റഫ്, സാദിഖലി തുവ്വൂര്, അജ്മല് അബ്ദുല് ഗഫൂര്, തസ്ലീമ അഷ്റഫ് എന്നിവര് സമ്മാനങ്ങള് വിതരണം ചെയ്തു. മുനീര് ഇബ്രാഹിം, ഇ.കെ. നൗഷാദ്, യൂസുഫ് കൂട്ടില്, മുഹമ്മദ് അബ്ഷീര്, ഉമൈര് എന്നിവര് നേതൃത്വം നല്കി. അബ്ദുസുബ്ഹാന് സ്വാഗതവും എം.പി. അഷ്റഫ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.