ജിദ്ദ: വീട്ടുഡ്രൈവര്‍ വിസയില്‍ ജിദ്ദയിലെത്തി ജോലിയോ ശമ്പളമോ മതിയായ രേഖകളോ ഇല്ലാത െ വിഷമത്തിലായ മൂന്നുപേര്‍ക്ക് പത്തനംതിട്ട ജില്ല സംഗമം ജിദ്ദ കമ്മിറ്റിയുടെ സഹായം. അഭ ിലാഷ് വടശ്ശേരിക്കര, ജോബി റാന്നി, രാഹുല്‍ ചെങ്ങറ എന്നീ പത്തനംതിട്ട ജില്ലക്കാർക്കാണ് ജില്ല കമ്മിറ്റി തുണയായത്. സംഘടന മുന്‍കൈയെടുത്ത് ഇവരെ നാട്ടിലേക്കയച്ചു. ജീവകാരുണ്യ കണ്‍വീനര്‍ അലി തേക്കുതോടിെൻറ നേതൃത്വത്തില്‍ കോണ്‍സുലേറ്റുമായി ബന്ധപ്പെട്ട് യാത്രരേഖ ശരിയാക്കി നല്‍കി. ജിദ്ദയിലെ താമസത്തിനിടയില്‍ ഇവര്‍ക്കുള്ള താമസം, ഭക്ഷണം മുതലായവ പത്തനംതിട്ട ജില്ല സംഗമം ഏറ്റെടുക്കുകയും അംഗങ്ങളില്‍നിന്ന് സമാഹാരിച്ച തുകയും ഇവര്‍ക്കായി നല്‍കുകയും ചെയ്തു.
പ്രസിഡൻറ് നൗഷാദ് അടൂര്‍, വൈസ് പ്രസിഡൻറുമാരായ എബി കെ. ചെറിയാന്‍ മാത്തൂര്‍, ജയന്‍ നായര്‍, പി.ആര്‍. ഒ അനില്‍ കുമാര്‍ പത്തനംതിട്ട, ജോസഫ് വടശ്ശേരിക്കര, അയൂബ് പന്തളം തുടങ്ങിയവര്‍ വിവിധ മേഖലയില്‍ പ്രവര്‍ത്തിച്ചു വേണ്ട സഹായസഹകരണങ്ങള്‍ക്ക് നേതൃത്വം നല്‍കി.
മാത്യു തോമസ് കടമിനിട്ട, മനു പ്രസാദ് ആറന്മുള, സാന്തോഷ് കടമ്മനിട്ട, മനോജ് മാത്യു അടൂര്‍, ജോര്‍ജ് വർഗീസ്, സുശീല ജോസഫ്, സൈന അലി എന്നിവര്‍ യാത്രയയപ്പിനു നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.