ഖത്തറിലേക്ക്​ മടക്കം; ഹമദ് വിമാനത്താവളത്തിൽ പുതിയ ക്രമീകരണങ്ങൾ

ദോഹ: കോവിഡ് -19 നിയന്ത്രണങ്ങൾ ഘട്ടംഘട്ടമായി നീക്കുന്നതി​ൻെറ ഭാഗമായി ഹമദ് രാജ്യാന്തര വിമാനത്താവളത്തിലേക്ക് മറ്റു​ രാജ്യങ്ങളിൽനിന്ന്​ എത്തുന്നവർക്കായി പുതിയ ക്രമീകരണങ്ങൾ ഏർപ്പെടുത്തി. വിമാനത്താവളത്തിലെത്തുന്ന യാത്രക്കാരെ നാല്​ ​ഗ്രൂപ്പുകളായി തരംതിരിച്ചാണ് പുതിയ നടപടികൾ. രാജ്യത്തേക്കുള്ള മടക്കം സുഗമമാക്കുകയെന്ന ലക്ഷ്യം മുൻനിർത്തിയാണിത്. ഗ്രൂപ് ഒന്ന്: ഖത്തരി പൗരന്മാർ, അവരുടെ ഭാര്യമാർ, കുട്ടികൾ, സ്​ഥിരം താമസാനുമതി ഉള്ളവർ ഗ്രൂപ് രണ്ട്: സ്​ഥിരം ആരോഗ്യ പ്രശ്നങ്ങളുള്ളവർ, 55 വയസ്സിന് മുകളിലുള്ളവർ ഗ്രൂപ് മൂന്ന്: കോവിഡ് -19 അപകട സാധ്യത കുറഞ്ഞ രാജ്യങ്ങളിൽനിന്നുള്ളവർ ഗ്രൂപ് നാല്: കോവിഡ് -19 അപകട സാധ്യത കൂടിയ രാജ്യങ്ങളിൽനിന്നുള്ളവർ എന്നിങ്ങനെയാണ്​ ഈ ഗ്രൂപ്പുകൾ. വിമാനത്താവളത്തിലെത്തുന്ന യാത്രക്കാർ നിർബന്ധമായും ശരീരോഷ്മാവ് പരിശോധനക്ക് വിധേയമാകണം. യാത്രക്കാർ നിർബന്ധമായും മൊ​ൈബൽ ഫോണിൽ ഇഹ്തിറാസ്​ ആപ് ഇൻസ്​റ്റാൾ ചെയ്യുകയും പ്രവർത്തിപ്പിക്കുകയും വേണം. യാത്രക്കാർക്ക് ഇഹ്തിറാസ്​ ആപ്പുമായി ബന്ധപ്പെട്ട സഹായങ്ങൾക്കായി വിമാനത്താവളത്തിൽ സന്നദ്ധ പ്രവർത്തകരെ നിയമിച്ചിട്ടുണ്ട്. ഇഹ്തിറാസ്​ ആപ് പ്രവർത്തിപ്പിക്കുന്നതിനാവശ്യമായ സിം കാർഡുകളും സ്​മാർട്ട് ഫോണുകളും വിമാനത്താവളത്തിൽനിന്ന് വാങ്ങാൻ സാധിക്കുന്നതാണ്. ഓരോ യാത്രക്കാരനും ആരോഗ്യ സാഹചര്യം വിലയിരുത്തുന്ന അപേക്ഷ ഫോറം പൂരിപ്പിക്കണം. കൂടാതെ ക്വറൻറീൻ വ്യവസ്​ഥകൾ പാലിക്കുമെന്ന കരാറിൽ ഒപ്പുവെച്ച് എമി​േഗ്രഷനിൽ നൽകുകയും വേണം. കോവിഡ് -19 അപകട സാധ്യത കൂടുതലുള്ള രാജ്യങ്ങളിൽനിന്നുള്ള യാത്രക്കാർ നിർബന്ധമായും ഹോട്ടൽ ക്വാറൻറീൻ സംബന്ധിച്ച വിവരങ്ങൾ എമി​േഗ്രഷൻ ഉദ്യോഗസ്​ഥന് മുമ്പാകെ ഹാജരാക്കണം. നടപടികൾ പൂർത്തിയാകുന്നതോടെ ഡിസ്​കവർ ഖത്തറുമായി സഹകരിച്ച് ക്വാറൻറീൻ ഹോട്ടലിലേക്ക് കൊണ്ടുപോകും. കോവിഡ് -19 അപകട സാധ്യത കുറഞ്ഞ രാജ്യങ്ങളിൽനിന്നുള്ളവർ വിമാനത്താവളത്തിലെത്തിയാലുടൻ സ്രവ പരിശോധനക്ക് വിധേയമാകണം. പരിശോധനയും എമി​േഗ്രഷൻ നടപടികളും പൂർത്തിയാക്കിയതിന് ശേഷം സ്വകാര്യ വാഹനത്തിലോ വിമാനത്താവള ടാക്സിയിലോ ഹോം ക്വാറൻറീനിലേക്ക് പോകാം. ലോകത്തിലെ ഏറ്റവും പ്രധാനപ്പെട്ട വിമാനത്താവളങ്ങളിലൊന്നായ ഹമദ് രാജ്യാന്തര വിമാനത്താവളത്തിൽ യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കുന്നതിന് കർശന നിയന്ത്രണങ്ങളും സുരക്ഷാ മുൻകരുതലുകളുമാണ് സ്വീകരിച്ചിരിക്കുന്നത്. കോവിഡ് -19 പ്രതിരോധ പ്രവർത്തനങ്ങളുടെ ഭാഗമായി അണുമുക്ത റോബോട്ടുകളുടെ സേവനവും ബാഗേജുകൾ അണുമുക്തമാക്കുന്നതിനുള്ള യു.വി ടെർമിനലുകളും നേരത്തേതന്നെ വിമാനത്താവളത്തിൽ സജ്ജമാക്കിയിട്ടുണ്ട്. ഓരോ 10 -15 മിനിറ്റുകളിലും വിമാനത്താവളവും ഹൈ കോൺടാക്ട് ഏരിയകളും അണുമുക്തമാക്കുക, പ്രധാന ഇടങ്ങളിലെല്ലാം സാനിറ്റൈസറുകൾ സ്​ഥാപിക്കുക, യാത്രക്കാർക്കിടയിൽ 1.5 മീറ്റർ അകലത്തിൽ സാമൂഹിക അകലം നടപ്പാക്കുക തുടങ്ങിയവയെല്ലാം വിമാനത്താവളത്തിൽ കോവിഡ് -19 പ്രതിരോധ പ്രവർത്തനങ്ങളുടെ ഭാഗമായി യാത്രക്കാരു​െടയും ജീവനക്കാരുടെയും സുരക്ഷ ഉറപ്പാക്കുന്നതിന് നടപ്പാക്കി വരുന്നുണ്ട്. കോവിഡ് ​ഭീഷണി കുറവ​ുള്ള രാജ്യങ്ങളുടെ പട്ടിക ഖത്തർ പുതുക്കിയെങ്കിലും ഈ പട്ടികയിലും ഇന്ത്യ ഇല്ല. എന്നാൽ, ഇന്ത്യക്കാർക്ക്​ നിബന്ധനകളോടെ ഖത്തറിലേക്ക്​ മടങ്ങാനാകും. https://portal.www.gov.qa/wps/portal/qsports/home എന്ന ലിങ്ക് വഴി അപേക്ഷിച്ച്​ 'റീ എൻട്രി പെർമിറ്റ്' നേടുകയാണ്​ ആദ്യം ചെയ്യേണ്ടത്​. സർക്കാർ, സ്വകാര്യ മേഖലകളിലെ വ്യക്തികളോ കമ്പനികളോ ആയ തൊഴിലുടമകളാണ്​ തങ്ങളു​െട ജീവനക്കാര​ൻെറ റീ എൻട്രി പെർമിറ്റിന്​ അപേക്ഷിക്കേണ്ടത്​. കുടുംബങ്ങളുടെ സ്​പോൺസർ ആയ ഖത്തർ ഐഡിയുള്ളവർക്ക്​ അവരുടെ സ്​ പോൺസർഷിപ്പിലുള്ള കുടുംബാംഗങ്ങൾക്കുമായും അപേക്ഷിക്കാം. ഇന്ത്യയടക്കം കോവിഡ്​ ഭീഷണിയുള്ള രാജ്യക്കാർ അതത്​ രാജ്യങ്ങളിലെ അക്രഡിറ്റഡ്​ പരിശോധന കേന്ദ്രങ്ങളിൽ നിന്നുള്ള കോവിഡ്​ പരിശോധന സർട്ടിഫിക്കറ്റ്​ ഹാജരാക്കണം. നെഗറ്റിവ്​ സർട്ടിഫിക്കറ്റ്​ ഉണ്ടെങ്കിൽ ഹോം ക്വാറൻറീൻ മതി. അല്ലാത്തവർ ഹോട്ടലിൽ സ്വന്തം ചെലവിൽ ക്വാറൻറീനിൽ കഴിയേണ്ടിവരും. നെഗറ്റിവ്​ സർട്ടിഫിക്കറ്റ്​ യാത്രയുടെ​ 48 മണിക്കൂറിനുള്ളിലുള്ളതാകണം. അക്രഡിറ്റഡ്​ കോവിഡ്​ പരിശോധന കേന്ദ്രങ്ങൾ ഇല്ലാത്ത രാജ്യത്തുനിന്നാണ്​ വരുന്നതെങ്കിൽ യാത്ര പുറപ്പെടുന്നതിന്​ മുമ്പ്​ Discover Qatar വെബ്​സൈറ്റിലൂടെ ക്വാറൻറീൻ ഹോട്ടൽ ബുക്ക്​ ചെയ്യുകയാണ്​ വേണ്ടത്​. ഇവർ ഖത്തറിലെത്തി സ്വന്തം ചെലവിൽ ഒരാഴ്​ച ഹോട്ടൽ ക്വാറ​ൻറീനിൽ കഴിയണം. ഇന്ത്യയിൽനിന്ന്​ ഖത്തറിലേക്ക്​ ഖത്തർ എയർവേസ്​ വിമാനങ്ങളിൽ മടങ്ങുന്നവർക്ക്​ നാട്ടിലുള്ള​ ഇന്ത്യൻ കൗൺസിൽ ഓഫ്​ മെഡിക്കൽ റിസർച്ചിൻെറ​ (ഐ.സി.എം.ആർ) അംഗീകാരമുള്ള ഏത്​ മെഡിക്കൽ സൻെററിലും കോവിഡ്​ പരിശോധന നടത്താമെന്ന്​ ഖത്തർ എയർവേസ്​​ കഴിഞ്ഞ ദിവസം അറിയിച്ചിരുന്നു. കേരളത്തിലെ എല്ലാ നഗരങ്ങളിലും ഐ.സി.എം.ആർ അംഗീകാരമുള്ള സർക്കാർ- സ്വകാര്യ പരിശോധന കേന്ദ്രങ്ങളുണ്ട്​. സർവിസ്​ പുനരാരംഭിക്കുന്ന മുറക്ക്​ ഇന്ത്യ, നേപ്പാൾ, നൈജീരിയ, റഷ്യ രാജ്യക്കാർക്കും ഇൗ നിബന്ധന​ നിർബന്ധമാകും. hamad airport inside ഹമദ്​ വിമാനത്താവളം airport helmet ഹമദ്​ വിമാനത്താവളത്തിൽ കോവിഡ്​ പ്രതിരോധ നടപടികളുടെ ഭാഗമായി യാത്രക്കാരുടെ താപനില ദൂരെനിന്നുതന്നെ അറിയാനുള്ള സ്​മാർട്ട്​ ഹെൽമറ്റ്​ ധരിച്ച ജീവനക്കാർ