ജിദ്ദ: പുതിയ കിസ്വയുടെ കൈമാറ്റം നടന്നു. പതിവുപോലെ ദുൽഹജ്ജ് ഒന്ന് ഇന്നലെയാണ് പുതിയ കിസ്വ കൈമാറ്റ ചടങ്ങ് നടന്നത്. സൽമാൻ രാജാവിനു വേണ്ടി മക്ക ഗവർണർ അമീർ ഖാലിദ് അൽഫൈസലാണ് പുതിയ കിസ്വ കഅ്ബയുടെ മുതിർന്ന പരിചാരകൻ ഡോ. സ്വാലിഹ് ബിൻ സൈനുൽ ആബിദ് അൽശുബൈതിക്ക് കൈമാറിയത്. ഡെപ്യൂട്ടി ഗവർണർ അമീർ അബ്ദുല്ല ബിൻ ബന്ദർ സന്നിഹിതനായിരുന്നു. കിസ്വ കൈമാറ്റ രേഖയിൽ മസ്ജിദുൽഹറാം, മസ്ജിദുന്നബവി കാര്യാലയ മേധാവി ഡോ. അബ്ദുറഹ്മാൻ അൽസുദൈസും ഡോ. സ്വാലിഹ് അൽസുബൈത്തിയും ഒപ്പുവെച്ചു. ദുൽഹജ്ജ് ഒമ്പതിനാണ് പുതിയ കിസ്വ കഅ്ബയെ പുതപ്പിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.