യാംബു: ഏഴ് വർഷത്തെ പ്രവാസം മതിയാക്കി മടങ്ങുന്ന പാലക്കാട് തൃത്താല സ്വദേശി സന്ദീപ് വിശ്വംഭരന് ജിദ്ദ നവോദയ യാംബു ഏരിയാകമ്മിറ്റി യാത്രയയപ്പ് നൽകി. യാംബുവിലെ 'ജെംസ്' കമ്പനിയിൽ ജോലി ചെയ്തിരുന്ന സന്ദീപ് ജിദ്ദ നവോദയ യാംബു ഏരിയ കമ്മിറ്റിയംഗവും ടൊയോട്ട യൂനിറ്റ് പ്രസിഡന്റുമായിരുന്നു. യാംബു ഏരിയ കമ്മിറ്റി പ്രസിഡന്റ് വിനയൻ പാലത്തിങ്ങൽ, സന്ദീപ് വിശ്വംഭരനുള്ള നവോദയയുടെ ഉപഹാരം നൽകി. ഏരിയ രക്ഷാധികാരി അജോ ജോർജ്, ഏരിയ സെക്രട്ടറി സിബിൾ ഡേവിഡ്, ടൊയോട്ട യൂനിറ്റ് സെക്രട്ടറി ബിഹാസ് കരുവാരക്കുണ്ട് തുടങ്ങിയവർ സംസാരിച്ചു.
യാംബുവിൽ നവോദയയുടെ സേവന സന്നദ്ധ പ്രവർത്തനങ്ങളിൽ ഭാഗവാക്കാവാൻ കഴിഞ്ഞതിൽ ഏറെ സന്തോഷവും അഭിമാനവുമുണ്ടെന്നും തുടർന്നും രാഷ്ട്രീയ പ്രവർത്തനങ്ങളിലും സേവന പ്രവർത്തനങ്ങളിലും സജീവമാകാൻ ശ്രമിക്കുമെന്നും മറുപടി പ്രസംഗത്തിൽ സന്ദീപ് പറഞ്ഞു. നവോദയ യാംബു ഏരിയ കമ്മിറ്റി ഭാരവാഹികൾ, യൂനിറ്റ് സാരഥികൾ, യൂനിറ്റിലെ മറ്റു അംഗങ്ങൾ തുടങ്ങിയവർ യാത്രയയപ്പ് യോഗത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.