മു​നി​യ​പ്പ​യു​ടെ മൃ​ത​ദേ​ഹം ര​ണ്ടു മാ​സ​ത്തി​നു​ശേ​ഷം നാ​ട്ടി​ലേ​ക്ക്

ജിദ്ദ: ജീ​സാ​നി​ൽ മ​രി​ച്ച ത​മി​ഴ്​​നാ​ട്​ സ്വ​ദേ​ശി​യു​ടെ മൃ​ത​ദേ​ഹം ര​ണ്ടു​മാ​സ​ത്തി​ന്​ ശേ​ഷം നാ​ട്ടി​ലേ​ക്ക്.

ഫെ​ബ്രു​വ​രി 14-ന് ​മ​രി​ച്ച ത​മി​ഴ്‌​നാ​ട് ഗൂ​ഡ​ല്ലൂ​ർ പു​തു​ക്കു​പ്പം പു​തു​പ്പേ​ട്ട സ്വ​ദേ​ശി മു​നി​യ​പ്പ​ൻ അ​യ്യ​നു​വി​​ന്റെ (66) ജീ​സാ​ൻ ആ​ർ​ട്ട്​ ല​വേ​ഴ്​​സ്​ അ​സോ​സി​യേ​ഷ​ൻ (ജ​ല) പ്ര​വ​ർ​ത്ത​ക​രു​ടെ ശ്ര​മ​ഫ​ല​മാ​യാ​ണ്​​ ജി​സാ​നി​ൽ​നി​ന്ന് ജി​ദ്ദ വ​ഴി ചെ​ന്നൈ​യി​ലേ​ക്ക് കൊ​ണ്ടു​പോ​യ​ത്​. വ്യാ​ഴാ​ഴ്‌​ച വൈ​കീ​​ട്ടോ​ടെ സ്വ​ദേ​ശ​മാ​യ പു​തു​പ്പേ​ട്ട​യി​ൽ സം​സ്‌​ക​രി​ക്കും.

ജീസാ​ൻ ഫി​ഷി​ങ്​ ഹാ​ർ​ബ​റി​ൽ മ​ത്സ്യ​ത്തൊ​ഴി​ലാ​ളി​യാ​യി​രു​ന്ന മു​നി​യ​പ്പ​ന് ജോ​ലി​ക്കി​ടെ നെ​ഞ്ചു​വേ​ദ​ന ഉ​ണ്ടാ​യ​തി​നെ തു​ട​ർ​ന്ന് സ​ഹ​പ്ര​വ​ർ​ത്ത​ക​ർ ജീസാ​ൻ ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

ഹൃ​ദ​യാ​ഘാ​തം മൂ​ല​മാ​ണ് മ​ര​ണ​മെ​ന്ന് മെ​ഡി​ക്ക​ൽ റി​പ്പോ​ർ​ട്ടി​ൽ ഡോ​ക്ട​ർ​മാ​ർ സൂ​ചി​പ്പി​ച്ചി​രു​ന്നെ​ങ്കി​ലും ഡെ​ത്ത് നോ​ട്ടി​ഫി​ക്കേ​ഷ​ൻ റി​പ്പോ​ർ​ട്ടി​ൽ മ​ര​ണ കാ​ര​ണം എ​ന്താ​ണെ​ന്ന് വ്യ​ക്ത​മാ​യി രേ​ഖ​പ്പെ​ടു​ത്തി​യി​രു​ന്നി​ല്ല. തു​ട​ർ​ന്ന്​ വി​ശ​ദ​മാ​യ അ​ന്വേ​ഷ​ണ ന​ട​പ​ടി​ക​ളു​ണ്ടാ​യി. മൃ​ത​ദേ​ഹ​ത്തി​​ന്റെ രാ​സ പ​രി​ശോ​ധ​ന​യു​ടെ​യും ഫോ​റ​ൻ​സി​ക്ക് പ​രി​ശോ​ധ​ന​യു​ടെ​യും ഫ​ല​ങ്ങ​ൾ വി​ല​യി​രു​ത്തു​ന്ന​ത​ട​ക്കം നി​ര​വ​ധി നി​യ​മ​ന​ട​പ​ടി​ക​ളു​ണ്ടാ​യ​താ​ണ്​ മൃ​ത​ദേ​ഹം നാ​ട്ടി​ല​യ​ക്കാ​ൻ കാ​ല​താ​മ​സം നേ​രി​ട്ട​ത്. പൊ​ലീ​സി​​ന്റെ അ​ന്തി​മ അ​നു​മ​തി ല​ഭി​ച്ച​ത് ര​ണ്ടു ദി​വ​സം മു​മ്പ് മാ​ത്ര​മാ​ണ്.

മൃ​ത​ദേ​ഹം നാ​ട്ടി​ല​യ​ക്കാ​ൻ വൈ​കി​യ സാ​ഹ​ച​ര്യ​ത്തി​ൽ ജ​ല​യു​ടെ കേ​ന്ദ്ര​ക​മ്മി​റ്റി ഭാ​ര​വാ​ഹി​ക​ളാ​യ സ​ലാം കൂ​ട്ടാ​യി, ഫൈ​സ​ൽ മേ​ലാ​റ്റൂ​ർ, അ​നീ​ഷ് നാ​യ​ർ, യൂ​നി​റ്റ് ഭാ​ര​വാ​ഹി​ക​ളാ​യ ജ​മാ​ൽ ക​ട​ലു​ണ്ടി, സ​മീ​ർ പ​ര​പ്പ​ന​ങ്ങാ​ടി എ​ന്നി​വ​ർ സ്പോ​ൺ​സ​റു​മാ​യും അ​ധി​കൃ​ത​രു​മാ​യും നി​ര​ന്ത​രം ബ​ന്ധ​പ്പെ​ട്ട് ആ​വ​ശ്യ​മാ​യ എ​ല്ലാ സ​ഹാ​യ​ങ്ങ​ളും ചെ​യ്‌​തി​രു​ന്നു.

ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റ് സാ​മൂ​ഹി​ക ക്ഷേ​മ​സ​മി​തി അം​ഗം താ​ഹ കൊ​ല്ലേ​ത്തി​​ന്റെ നേ​തൃ​ത്വ​ത്തി​ലാ​ണ് മൃ​ത​ദേ​ഹം നാ​ട്ടി​ല​യ​ക്കു​ന്ന​തി​നു​ള്ള നി​യ​മ​ന​ട​പ​ടി​ക​ൾ പൂ​ർ​ത്തി​യാ​ക്കി​യ​ത്. മു​നി​യ​പ്പ​​ന്റെ സ​ഹ​പ്ര​വ​ർ​ത്ത​ക​ൻ സു​രേ​ഷ് സു​ബ്ബ​രാ​യ​നാ​ണ് നി​യ​മ ന​ട​പ​ടി​ക​ൾ​ക്കാ​യി ബ​ന്ധു​ക്ക​ൾ അ​ധി​കാ​ര​പ്പെ​ടു​ത്തി​യ​ത്.

ക​ഴി​ഞ്ഞ 33 വ​ർ​ഷ​മാ​യി ജീസാ​ൻ ഫി​ഷി​ങ്​ ഹാ​ർ​ബ​റി​ൽ ജോ​ലി​ചെ​യ്‌​തി​രു​ന്ന മു​നി​യ​പ്പ​ൻ നീ​ല​ഗി​രി ജി​ല്ല​യി​ലെ ഗു​ഡ​ല്ലൂ​ർ പു​തു​പ്പേ​ട്ട അ​യ്യ​നു​വി​​ന്റെ​യും ര​മ​യി അ​മ്മാ​ളി​​ന്റെ​യും മ​ക​നാ​ണ്. ഭാ​ര്യ: ചി​ത്ര. മ​ക്ക​ൾ: ലി​ല്ലി, ജി​നി​ത.