ഇന്ത്യൻ നാദധാരയിലലിഞ്ഞ്​ സൗദി; മംഗണിയാർ ഷോ സമാപിച്ചു

ദമ്മാം: ഇന്ത്യൻ പാരമ്പര്യ സംഗീതത്തി​​​െൻറ നാദധാരയിലലിഞ്ഞ്​ ഇത്​റയിലെ സാംസ്​കാരികവേദി. ദഹ്​റാനിലെ കിങ്​ അബ്​ദുൽ അസീസ് സ​​െൻറർ ഫോർ വേൾഡ് കൾച്ചർ സ​​െൻറർ ‘ഇത്റ’ യിൽ അര​േ​ങ്ങറിയ മംഗണിയാർ സംഗീത നിശയാണ്​ സൗദി പ്രേക്ഷകർക്ക് വിസ്​മയാനുഭവമായത്​.
ലോക സംസ്​കാരങ്ങളേയും, കലകളേയും സൗദി അറേബ്യക്ക്​ പരിചയപ്പെടുത്തുന്നതി​​​െൻറ ഭാഗമായാണ്​ ഇന്ത്യൻ സംഗീത സംഘത്തിന്​ ഇത്​റ ആതിഥ്യമരുളിയത്​. ബുധനാഴ്​ച ആരംഭിച്ച ഷോ ഇന്നലെ സമാപിച്ചു​. ആദ്യസംഗീത നിശക്ക്​ സാക്ഷ്യം വഹിക്കാൻ ഇന്ത്യൻ അംബാസഡർ അഹമ്മദ്​ ജാവേദും പത്​നിയും എത്തി.

സംഗീതത്തിനൊപ്പം ദീപ വിസ്​മയും സമന്വയിച്ച മംഗണിയാർ കണ്ണിനും കാതിനും ഒരുപോലെ ഇമ്പം പകരുന്നതായിരുന്നു. നാലു നിലകളിലായി കർട്ടൻ മറച്ച ദീപാലംകൃത ചതുരപ്പെട്ടികളാണ്​ ആദ്യം പ്രേക്ഷകരെ വരവേറ്റത്​. പെട്ടന്ന്​ ദീപമണയുകയും ഒരു കോണിലെ കർട്ടൻ മാറി ദീപം തെളിയുകയും പ്രാർഥനാ രാഗം പോലെ കമാച്ചയിൽ നിന്നുള്ള നാദധാര ഒഴുകിവരികയും ചെയ്​തു. രാജസ്​ഥാനിലെ സൂഫീ സംഗീതം ബുല്ലാഷയുടെ സ്വരമാധുരിമയുമായി മറ്റൊരു പെട്ടി കൂടി തുറക്കപ്പെട്ടു. വായ്​പാട്ടും െെവവിധ്യ സംഗീത ഉപകരണങ്ങളും സമന്വയിച്ച്​ ആരോഹണ അവരോഹണങ്ങളിലേക്ക്​ നാദം പെയ്​തു തുടങ്ങിയതോടെ ഒാരോ പെട്ടിയും തുറന്നു തുടങ്ങി. നൂൽ മഴപോലെ തുടങ്ങിയ സംഗീതം ശക്​തി പ്രാപിച്ചു. അതോടെ സദസ്സിൽ ആരവം. രാജസ്​ഥാ​​​െൻറ പാരമ്പര്യ വസ്​ത്രമണിഞ്ഞ 38 കലാകാരന്മാരായിരുന്നു ഒാരോ പെട്ടിയിലും.

ആധുനിക സംഗീത ഉപകരണങ്ങളെ വെല്ലുന്ന നാദവിസ്​മയമാണ്​ ഇവരുടെ കൈയിലെ പാരമ്പര്യ സംഗീത ഉപകരണങ്ങളിൽ നിന്ന്​ ഒഴുകിയത്​​. സിന്ധ്​ ഭാഷയിലാണ് പാടിയതെങ്കിലും വിവിധ രാജ്യക്കാരായ കാണികൾ ഒാരേ മനസ്സോടെ സംഗീത ധാരക്കൊപ്പം താളം പിടിച്ചു.
സ്​നേഹത്തെ കുറിച്ചുള്ള മൊഴികളായിരുന്നു പാട്ടുകളിലധികവും.

സ്വർഗം പോലെ സ്​നേഹ നിലാവ്​ മേൽക്കൂട പണിയുന്ന ഇവിടെ എന്തിനാണ്​ നമ്മൾ വെറുപ്പി​​​െൻറ നരകങ്ങൾ പണിയുന്നത്​. ചിരിയും...സന്തോഷവും നിറഞ്ഞു നിൽക്ക​െട്ട മനസ്സുകളിൽ.. നമ്മളാണ്​ നമുക്ക്​ ചുറ്റും പുന്തോട്ടങ്ങൾ വെച്ചു പിടിപ്പിക്കുന്നത്​.... ഇങ്ങനെ പോയി വരികൾ.
കേട്ടറിഞ്ഞ കഥകളല്ല സൗദിയിലെ നേരനുഭവമെന്ന്​ ഷോ ഡയറക്​ടർ റോയിസ്​റ്റൻ ആബേൽ ‘ഗൾഫ്​ മാധ്യമ’ത്തോട്​ പറഞ്ഞു. ഇന്ത്യൻ അംബാസഡർ എന്ന നിലയിൽ അഭിമാനിച്ച നിമിഷങ്ങളായിരുന്നു മംഗണിയാർ വിരുന്ന് നൽകിയതെന്ന്​ അദ്ദേഹം അഭിപ്രായപ്പെ​െട്ടന്നും റോയിസ്​റ്റൻ പറഞ്ഞു.