റിയാദ്: ഇന്ത്യാക്കാരനെന്ന് തോന്നിക്കുന്നയാൾ ബത്ഹയിലെ തെരുവിൽ അലയുന്നു. ബത്ഹയിലെ മദീന സൂപ്പർമാർക്കറ്റിന് സമീപത്ത് മുഷിഞ്ഞ വേഷത്തിൽ അലഞ്ഞുനടന്ന ഇയാൾ ഹിന്ദിയിൽ സംസാരിക്കുകയും വെള്ളം വേണമെന്ന് ആവശ്യപ്പെടുകയും ചെയ്തപ്പോൾ കെ.എം.സി.സി പ്രവർത്തകർ വെള്ളവും ഭക്ഷണവും നൽകി. അയാളെ കുളിപ്പിച്ച് വൃത്തിയാക്കുകയും പുതിയ വസ്ത്രം വാങ്ങി ധരിപ്പിക്കുകയും ചെയ്തു.
എത്രയോ ദിവസങ്ങളായി ഭക്ഷണം കഴിക്കാതെ ഇയാൾ അലയുകയായിരുന്നത്രെ. ഇേപ്പാഴാണ് മലയാളികളുടെ ശ്രദ്ധയിൽപ്പെട്ടത്. ബുദ്ധിസ്ഥിരത നഷ്ടപ്പെട്ട അവസ്ഥയിലാണ്. ചോദിച്ചതിനൊന്നും കൃത്യമായ മറുപടി പറയുന്നില്ല. ഹിന്ദി പറയുന്നത് കൊണ്ട് തന്നെ ഇന്ത്യാക്കാരനാണെന്നാണ് കരുതുന്നത്.
മെഹ്ബൂബ് ധർമടത്തിെൻറ നേതൃത്വത്തിൽ കെ.എം.സി.സി പ്രവർത്തകർ ഇയാൾക്ക് വേണ്ട സഹായം ചെയ്തുകൊടുക്കുന്നുണ്ട്. സൗദി പൊലീസിലും ഇന്ത്യൻ എംബസിയിലും വിവരം അറിയിച്ചു. ഇയാളെ കുറിച്ച് അറിയുന്നവർ 0532984229 (മെഹബൂബ് ധർമ്മടം), 0509247526 (മുജീബ് ഉപ്പട) എന്നീ നമ്പറുകളിൽ ബന്ധപ്പെടണമെന്ന് സാമൂഹിക പ്രവർത്തകർ അഭ്യർഥിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.