റിയാദ്: സന്ദർശക വിസയിൽ എത്തിയ മലയാളിയായ ഒമ്പതു വയസ്സുകാരൻ സൗദിയിൽ കാറപകടത്തിൽ മരിച്ചു. തിരുവനന്തപുരം കാട്ടുമ ്പുറം പുളിമാത്ത് രജിത മൻസിലിൽ മൻസൂർ മുഹമ്മദ് നൂഹിെൻറ മകൻ ഫാരിസ് മൻസൂർ (9) ആണ് മരിച്ചത്. റിയാദിൽ നിന്ന് 200 കിലോമീറ്റർ അകലെ അൽ ഖുവയ്യയിൽ കാർ മറിഞ്ഞായിരുന്നു അപകടം.
തിങ്കളാഴ്ച രാത്രിയാണ് സംഭവം. ഉംറ നിർവഹിച്ച് തിരിച്ചു വരുന്നതിനിടെ കുടംബം സഞ്ചരിച്ച കാർ ഗട്ടറിൽ വീഴാതിരിക്കാൻ സഡൻ ബ്രേക്കിട്ടതിനെ തുടർന്നാണ് അപകടം.
മാതാവ് രജിത അബ്ദുൽ കരീം മുനീറക്കും വാഹനമോടിച്ച കുടുംബ സുഹൃത്ത് ഭീമാപള്ളി സ്വദേശി മുഹമ്മദ് നായിഫിനും പരിക്കേറ്റു.
ഫാരിസ് മൻസൂറിന്റെ സഹോദരൻ മുഹമ്മദ് അഫീഫും ഇവരോടൊപ്പമുണ്ടായിരുന്നു. ഫാരിസ് മൻസൂറിന്റെ മൃതദേഹം റിയാദിൽ ഖബറടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.