‘മലയാളം മിഷൻ’ ബുറൈദയിൽ സംഘടിപ്പിച്ച ക്ലാസിൽ പങ്കെടുത്തവർ
ബുറൈദ: കേരള സർക്കാറിന്റെ സാംസ്കാരിക വകുപ്പിന് കീഴിലുള്ള മലയാളം മിഷൻ സൗദി ചാപ്റ്ററിന്റെ ഭാഗമായി ബുറൈദയിൽ കുട്ടികൾക്കായി പഠനക്ലാസ് സംഘടിപ്പിച്ചു. അൽ ഖസീം പ്രവിശ്യാ കോഓഡിനേറ്റർ ഉണ്ണികൃഷ്ണൻ കണിയാപുരത്തിെൻറ നേതൃത്വത്തിൽ അൽ ഖസീം പ്രവാസി സംഘവും കുടുംബവേദിയും ചേർന്ന് സംഘടിപ്പിച്ച ക്ലാസിൽ ബുറൈദയിൽനിന്നുള്ള നിരവധി കുട്ടികൾ പങ്കെടുത്തു.
കളി ചിരികളിലൂടെയും കഥ പറച്ചിലൂടെയും നയിച്ച ക്ലാസ് കുട്ടികൾക്ക് മാതൃഭാഷാപഠനം രസകരമായ അനുഭവം നൽകുന്ന ഒരു വേദി ഒരുക്കിക്കൊണ്ട് മലയാളം മിഷെൻറ പ്രവർത്തനങ്ങൾ കൂടുതൽ മികവുറ്റതാക്കി. സഹാന, സോഫിയ, അശോക് ഷാ എന്നിവർ കുട്ടികൾക്ക് വേണ്ടി രസകരമായി ക്ലാസുകൾ നയിച്ചു. കുടുംബവേദി രക്ഷാധികാരി സുൽഫിക്കർ അലി, സെക്രട്ടറി ഫൗസിയ ഷാ, പ്രസിഡൻറ് ഷമീറ ടീച്ചർ എന്നിവർ നേതൃത്വം നൽകി. കൂടുതൽ വിദ്യാർഥികളിലേക്ക് ഭാഷാ പഠനം എന്ന ആശയം എത്തിക്കാനുള്ള പ്രവർത്തനങ്ങളുമായി മുന്നോട്ട് പോകുമെന്ന് ഖസീം പ്രവാസി സംഘം സെക്രട്ടറി കൂടിയായ ഉണ്ണി കണിയാപുരം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.