ജിദ്ദ: വാഹനാപകടത്തെ തുടർന്ന് മലപ്പുറം പാണ്ടിക്കാട് സ്വദേശി ജിദ്ദയിൽ മരിച്ചു. മാഞ്ചേരി നസ്റുദ്ദീൻ (26) ആണ് മരിച്ചത്.
അല്ലൈത്തിൽ നിന്നു ജിസാൻ ഹൈവെ വഴി വരുന്നതിനിടെ ജിദ്ദയിലേക്ക് പ്രവേശിക്കുന്നതിനടുത്തുവെച്ചാണ് തിങ്കളാഴ്ച പുലർച്ചെ അപകടമുണ്ടായത്. നസ്റുദ്ദീൻ ഓടിച്ചിരുന്ന ഡിയന്ന വാഹനം അതെ ദിശയിൽ തന്നെ സഞ്ചരിച്ചിരുന്ന ഒരു ട്രൈലറിന്റെ പിറകുവശത്ത് കൂട്ടിയിടിക്കുകയായിരുന്നു.
മൃതദേഹം ജിദ്ദ മഹ്ജർ കിങ് അബ്ദുൽ അസീസ് ആശുപത്രി മോർച്ചറിയിൽ സൂക്ഷിച്ചിരിക്കുന്നു. അവിവാഹിതനാണ്. പിതാവ്: ഉസ്മാൻ. മാതാവ്: സഫിയ. സഹോദരിമാർ: ആയിഷ ഫാത്തിമ, ആയിഷ ഹന്ന. മരണാനന്തര സഹായങ്ങൾക്കും മറ്റും കെ.എം.സി.സി ജിദ്ദ വെൽഫയർ വിങ് പ്രവർത്തകർ രംഗത്തുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.