പ്രവാസം അവസാനിപ്പിച്ചു മടങ്ങുന്ന അഭിലാഷ് പണിക്കർക്ക് റിയാദിലെ കൊട്ടാരക്കര പ്രവാസി അസോസിയേഷൻ യാത്രയയപ്പ് നൽകിയപ്പോൾ
റിയാദ്: സൗദിയിലെ 12 വർഷത്തെ പ്രവാസം അവസാനിപ്പിച്ചു മടങ്ങുന്ന റിയാദിലെ കൊട്ടാരക്കര പ്രവാസി അസോസിയേഷൻ എക്സിക്യൂട്ടിവ് അംഗം അഭിലാഷ് പണിക്കർക്ക് യാത്രയയപ്പ് നൽകി. റിയാദ് മലസിലെ അൽമാസ് ഓഡിറ്റോറിയത്തിൽ നടന്ന ചടങ്ങിൽ പ്രസിഡന്റ് അലക്സ് കൊട്ടാരക്കര അധ്യക്ഷത വഹിച്ചു.
കൊട്ടാരക്കര പുലമൺ സ്വദേശിയായ അഭിലാഷ് പണിക്കർ റിയാദ് എക്സിറ്റ് 18ലുള്ള തബാത്ത് കോൺട്രാക്ടിങ് കമ്പനിയിൽ ഇലക്ട്രിക്കൽ ഫോർമാനായാണ് സേവനം അനുഷ്ഠിച്ചത്.
വൈസ് പ്രസിഡൻറ് സജു മത്തായി, സെക്രട്ടറി ബിനോയ് മത്തായി, ജോയൻറ് ട്രസ്റ്റി വിനോദ് ജോൺ, ജോയൻറ് സെക്രട്ടറി അലക്സാണ്ടർ തങ്കച്ചൻ, ജീവകാരുണ്യ കൺവീനർ ഷൈൻ ദേവ്, എക്സിക്യൂട്ടിവ് അംഗങ്ങളായ റിയാദ് ഫസലുദ്ദീൻ, ജിജിൻ ജോർജ്, നൗഷാദ് കുന്നിക്കോട്, സജി ചെറിയാൻ എന്നിവർ ചടങ്ങിൽ പങ്കെടുത്തു. കൊട്ടാരക്കര പ്രവാസി അസോസിയേഷന്റെ സ്നേഹാദരവ് ഭാരവാഹികൾ ചേർന്ന് അഭിലാഷ് പണിക്കർക്ക് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.