എം.എസ്.എഫ് ആലപ്പുഴ ജില്ല പ്രസിഡൻറ് ഉവൈസ് ഫൈസി പതിയാങ്കരക്ക് കെ.എം.സി.സി ജിദ്ദ സൗത്ത് സോൺ സ്വീകരണം നൽകിയപ്പോൾ
ജിദ്ദ: എം.എസ്.എഫ് ആലപ്പുഴ ജില്ല പ്രസിഡന്റും വാഗ്മിയുമായ ഉവൈസ് ഫൈസി പതിയാങ്കരക്ക് കെ.എം.സി.സി ജിദ്ദ സൗത്ത് സോൺ ഊഷ്മള സ്വീകരണം നൽകി. ജിദ്ദ സെൻട്രൽ കമ്മിറ്റി ഓഫിസ് ഹാളിൽ നടന്ന സ്വീകരണ യോഗത്തിൽ സൗത്ത് സോൺ ചെയർമാൻ നസീർ വാവക്കുഞ്ഞ് അധ്യക്ഷത വഹിച്ചു.ജിദ്ദ സെൻട്രൽ കമ്മിറ്റി പ്രസിഡൻറ് അബൂബക്കർ അരിമ്പ്ര, ജനറൽ സെക്രട്ടറി വി.പി മുസ്തഫ, ഇസ്മയിൽ മുണ്ടക്കുളം, അബ്ദുറഹ്മാന് വെള്ളിമാട്കുന്ന്, ലത്തീഫ് മുസ്ലിയാരങ്ങാടി, നാസർ മച്ചിങ്ങൽ, അഷ്റഫ് താഴെക്കോട്, ശിഹാബ് താമരക്കുളം, സൗത്ത് സോൺ നേതാക്കളായ നാസർ വേലഞ്ചിറ, നൗഷാദ് പാനൂർ എന്നിവർ സംസാരിച്ചു. പ്രവാസലോകത്ത് കാണാൻ കഴിയുന്ന പാരസ്പര്യത്തിന്റെയും സാഹോദര്യത്തിന്റെയും നല്ല കാഴ്ചകൾ മനംകുളിർപ്പിക്കുന്ന മാതൃകകളാണെന്ന് ഉവൈസ് ഫൈസി അഭിപ്രായപ്പെട്ടു.കെ.എം.സി.സി നിർവഹിക്കുന്ന നിസ്സീമമായ പ്രവർത്തനങ്ങൾ ശ്ലാഘനീയമാണെന്നും ഉവൈസ് ഫൈസി കൂട്ടിച്ചേർത്തു. നദീർ ആഷിഖ്, അബ്ദുൽ റസാഖ് കാഞ്ഞിരപ്പള്ളി, സമീര് സക്കരിയ ബസാർ ആലപ്പുഴ, ഉവൈസ് തൃക്കുന്നപ്പുഴ, ബിന്യാമിൻ പാനൂർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.