ബദ്ർ: മൂന്നു പതിറ്റാണ്ടത്തെ പ്രവാസം മതിയാക്കി മടങ്ങുന്ന മലപ്പുറം എടരിക്കോട് സ്വദേശി തൂമ്പത്ത് മൊയ്തീൻ എന്ന ബാപ്പു അൽറൈസിന് കെ.എം.സി.സി ബദ്ർ ഏരിയ കമ്മിറ്റി യാത്രയയപ്പ് നൽകി.
ബദ്റിലും അൽ റൈസിലുമായി വിവിധ സ്ഥാപനങ്ങളിൽ ജോലി ചെയ്തിരുന്ന മൊയ്തീൻ സാമൂഹിക, ജീവകാരുണ്യ, സേവന പ്രവർത്തനങ്ങളിലും സംഘടനയെ മുന്നിൽനിന്ന് നയിക്കുന്നതിലും സജീവമായിരുന്നു.
കെ.എം.സി.സി ബദ്ർ ഏരിയ കമ്മിറ്റി വൈസ് പ്രസിഡന്റായിരുന്ന ഇദ്ദേഹം സംഘടന നടത്തിയിരുന്ന എല്ലാ സേവന പ്രവർത്തനങ്ങൾക്കും നേതൃപരമായ പങ്കുവഹിച്ചിരുന്നു. എടരിക്കോട് പ്രദേശത്തെ ഗ്ലോബൽ കെ.എം.സി.സി ട്രഷറർ ആണിപ്പോൾ അദ്ദേഹം. കെ.എം.സി.സി ബദ്ർ ഏരിയ കമ്മിറ്റി ജനറൽ സെക്രട്ടറി കെ.വി. ആസാദ് തൃപ്പനച്ചി, മൊയ്തീനുള്ള കെ.എം.സി.സി യുടെ ഉപഹാരം നൽകി.
സി.പി. ബഷീർ, മുസ്തഫ, കമാൽ, ഇബ്റാഹീം എന്നിവർ ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.