ജിദ്ദ: കിങ് അബ്ദുല്ല ഇക്കണോമിക് സിറ്റിയിൽ കാറോട്ട മത്സര ട്രാക്ക് നിർമാണം പുരോഗമിക്കുന്നു. പദ്ധതിയുട െ ഒന്നാം ഘട്ടമാണ് ഇപ്പോൾ പൂർത്തിയായിരിക്കുന്നത്. പ്രത്യേക യന്ത്ര സാമഗ്രികൾ ഇറക്കുമതി ചെയ്തു അന്താരാഷ് ട്ര ഒാേട്ടാമൊബൈൽ ഫെഡറേഷെൻറ നിബന്ധനകൾ പൂർണമായും പാലിച്ച് ഉയർന്ന നിലവാരത്തിലാണ് ട്രാക്കുകളുടെ നിർമാണം. സ്വദേശി യുവാക്കളുടെ കാർ, ഇരുചക്ര വാഹന മത്സര സ്പോർട്സ് പ്രോത്സാഹിപ്പിക്കുകയും വികസിപ്പിക്കുകയും ചെയ്യുക ലക്ഷ്യമിട്ടാണിത്.
120 ദശലക്ഷം റിയാലാണ് ചെലവ് പ്രതീക്ഷിക്കുന്നത്. ട്രാക്കുകൾക്ക് പുറമെ സ്വീകരണ ഒാഫീസുകൾ, പരിശീലന കേന്ദ്രങ്ങൾ എന്നിവ പദ്ധതിക്ക് കീഴിലുണ്ട്. കിങ് അബ്ദുല്ല സിറ്റിക്ക് കീഴിലെ വിവിധ സ്പോർട്സ്, വിനോദ പരിപാടികളുടെ ഭാഗമായാണ് കാറോട്ട മത്സര ട്രാക്കെന്ന് സിറ്റി എക്സിക്യൂട്ടീവ് മേധാവി അഹമദ് ലൻജാവി പറഞ്ഞു. പ്രദേശത്തെ ടൂറിസം,വിനോദ കവാടമായി മാറ്റാനും അന്താരാഷ്ട്ര മത്സരങ്ങൾക്ക് വേദിയാകാനും ഇതിലുടെ സാധിക്കുമെന്നും അദ്ദേഹം പറഞ്ഞു. കഴിഞ്ഞ മാർച്ചിലാണ് പദ്ധതിക്ക് തറക്കല്ലിട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.