റിയാദ്: ഇന്ത്യൻ എംബസിയിൽ ചലച്ചിത്രോത്സവം തുടങ്ങി. 2012ൽ പുറത്തിറങ്ങിയ ‘കഹാനി’ എന്ന ഹിന്ദി സിനിമയുടെ പ്രദർശനത്തോടെയാണ് വ്യാഴാഴ്ച തുടക്കം കുറിച്ചത്. ‘അംബാസഡേഴ്സ് ചോയ്സ്’ ചലച്ചിത്രോത്സവം ഏതാനും ആഴ്ച നീണ്ടുനിൽക്കും. എല്ലാ വ്യാഴാഴ്ചയുമാണ് സിനിമകളുടെ പ്രദർശനം. എംബസി ഒാഡിറ്റോറിയത്തിൽ നടന്ന ചടങ്ങിൽ അംബാസഡർ അഹമ്മദ് ജാവേദ് ഉദ്ഘാടനം ചെയ്തു. വിവിധ രാജ്യങ്ങളുടെ നയതന്ത്ര ഉദ്യോഗസ്ഥരും ഇന്ത്യാക്കാരും ഉൾപ്പെടെ വലിയൊരു സദസ് ഉദ്ഘാടന ചിത്രം കാണാൻ എത്തിയിരുന്നു. എംബസി ഒാഡിറ്റോറിയത്തിെൻറ പരിമിതി പരിഗണിച്ച് ക്ഷണിക്കപ്പെട്ടവർക്ക് മാത്രമാണ് പ്രവേശനം. പ്രശസ്ത താരം വിദ്യാബാലൻ നായികയായ സിനിമയാണ് ‘കഹാനി.’
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.