യാംബു: ഒമ്പത് വർഷത്തെ പ്രവാസം അവസാനിപ്പിച്ച് മടങ്ങുന്ന മലപ്പുറം ആക്കോട് സ്വദേശിയായ അഷ്റഫ് മാസ്റ്റർക്ക് ഇസ്ലാമിക് കൾച്ചറൽ ഫൗണ്ടേഷൻ (ഐ.സി.എഫ്) യാംബു സെൻട്രൽ കമ്മിറ്റി യാത്രയയപ്പ് നൽകി. യാംബു അൽ ഇസ്റ ഇന്റർനാഷനൽ സ്കൂൾ അധ്യാപകനായിരുന്ന അഷ്റഫ് മാസ്റ്റർ സാമൂഹിക-സാംസ്കാരിക രംഗത്ത് സജീവസാന്നിധ്യമായിരുന്നു. ഐ.സി.എഫ് യാംബു സെൻട്രൽ കമ്മിറ്റി അംഗമായ അദ്ദേഹം സംഘടനയുടെ വിദ്യാഭ്യാസ സമിതി സെക്രട്ടറി കൂടിയായിരുന്നു. യാത്രയയപ്പ് യോഗത്തിൽ സെൻട്രൽ കമ്മിറ്റി പ്രസിഡന്റ് കെ.കെ. മുഹമ്മദ് സഖാഫി ജീലാനി നഗർ അധ്യക്ഷത വഹിച്ചു. കമ്മിറ്റി അംഗങ്ങളായ അബ്ദുൽ ഗഫൂർ ചെറുവണ്ണൂർ, മുഹമ്മദലി ആർക്കോമ കുറുക്കോൾ, റഫീഖ് താനൂർ, അബ്ദുൽ ഹകീം പൊന്മള എന്നിവർ സംസാരിച്ചു. അഷ്റഫ് മാസ്റ്റർക്കുള്ള ഐ.സി.എഫ് ഉപഹാരം കെ.കെ. മുഹമ്മദ് സഖാഫി ചടങ്ങിൽ കൈമാറി. ജനറൽ സെക്രട്ടറി അലി കളിയാട്ടമുക്ക് സ്വാഗതവും മുഹമ്മദ് നെച്ചിയിൽ കാളികാവ് നന്ദിയും പറഞ്ഞു. അഷ്റഫ് മാസ്റ്റർ മറുപടിപ്രസംഗം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.