റിയാദ്: കോവിഡ് ബാധിച്ച് ഏഴുപേർ കൂടി സൗദി അറേബ്യയിൽ മരിച്ചു. ഏഴും വിദേശികളാണ്. നാലു പേർ മക്കയിലും മൂന്നുപേർ ജിദ്ദയിലുമാണ് മരിച്ചത്. 39നും 87നും ഇടയിൽ പ്രായമുള്ളവരാണ് മരിച്ചത്. ഇതോടെ ഇതുവരെയുള്ള ആകെ മരണ സംഖ്യ 191 ആയി. പുതിയ രോഗികളുടെ എണ്ണവും തിങ്കളാഴ്ച ഉയർന്നു. 1645 ആളുകളിലാണ് പുതുതായി രോഗം കണ്ടെത്തിയത്.
രാജ്യത്ത് ഇതുവരെ റിപ്പോർട്ട് ചെയ്യപ്പെട്ട കോവിഡ് കേസുകളുടെ എണ്ണം ഇതോടെ 28656 ആയി. കഴിഞ്ഞ 24 മണിക്കൂറിനിടെ 12006 കോവിഡ് ടെസ്റ്റുകൾ രാജ്യത്ത് നടന്നു. ഇതോടെ ആകെ ടെസ്റ്റുകളുടെ എണ്ണം 364,561 ആയി. പുതിയ രോഗികളിൽ 87 ശതമാനം പുരുഷന്മാരും 13 ശതമാനം സ് ത്രീകളുമാണെന്ന് ആരോഗ്യമന്ത്രാലയ വക്താവ് ഡോ. മുഹമ്മദ് അബ്ദു അൽഅലി വാർത്താസമ്മേളനത്തിൽ പറഞ്ഞു.
അതിൽ 19 ശതമാനം സൗദികളും 81 ശതമാനം വിദേശികളുമാണ്. നാല് ശതമാനം കുട്ടികളും മൂന്ന് ശതമാനം കൗമാരക്കാരും 93 ശതമാനം മുതിർന്നവരുമാണ്. 342 പേർ പുതുതായി സുഖം പ്രാപിച്ചു. രോഗമുക്തരുടെ എണ്ണം 4476 ആയി ഉയർന്നു. ചികിത്സയിൽ കഴിയുന്ന 23989 ആളുകളിൽ 143 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്. രോഗികളെ കണ്ടെത്താൻ ആരോഗ്യ വകുപ്പ് രാജ്യവ്യാപകമായി നടത്തുന്ന ഫീൽഡ് സർവേ 18 ദിവസം പിന്നിട്ടു.
വീടുകളിലും മറ്റ് താമസകേന്ദ്രങ്ങളിലും ചെന്നുള്ള മെഡിക്കൽ ടീമിെൻറ പരിശോധന തുടരുകയാണ്. നാലുപേർ മരിച്ചതോടെ മക്കയിൽ മരണസംഖ്യ 82ഉം മൂന്നു മരണത്തോടെ ജിദ്ദയിൽ 50ഉം ആയി.
പുതിയ രോഗികൾ:
മക്ക 287, ദമ്മാം 261, ജിദ്ദ 261, ജുബൈൽ 217, മദീന 152, ഹുഫൂഫ് 133, റിയാദ് 131, ബേഷ് 53, ഖോബാർ 26, ത്വാഇഫ് 14, സഫ്വ 13, യാംബു 9, ഖുൻഫുദ 9, നാരിയ 8, ഖുറയാത്ത് 7, അൽമജാരിദ 6, റാബിഗ് 6, സുൽഫി 5, ദറഇയ 5, അൽജഫർ 4, ദഹ്റാൻ 4, തബൂക്ക് 4, അറാർ 4, ഖർജ് 4, ഖത്വീഫ് 3, ബുറൈദ 3, ഖമീസ് മുശൈത്ത് 1, മഹായിൽ 1, അബ്ഖൈഖ് 1, റാസതനൂറ 1, അൽറസ് 1, ഖൈബർ 1, ഖുലൈസ് 1, അൽഅദാബി 1, സബ്യ 1, ഹഫർ അൽബാത്വിൻ 1, നജ്റാൻ 1, ഹാഇൽ 1, തബർജൽ 1, ഹുത്ത ബനീ തമീം 1, ദുർമ 1.
മരണസംഖ്യ:
മക്ക 82, ജിദ്ദ 50, മദീന 33, റിയാദ് 8, ഹുഫൂഫ് 4, ദമ്മാം 4, ജുബൈൽ 2, അൽഖോബാർ 2, ജീസാൻ 1, ഖത്വീഫ് 1, ഖമീസ് മുശൈത്ത് 1, ബുറൈദ 1, അൽബദാഇ 1, തബൂക്ക് 1.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.