പ്രവർത്തനരഹിതമായ വിമാനങ്ങൾ കൊണ്ടൊരുക്കിയ ബോളിവാർഡ് റൺവേ
റിയാദ് സീസണ് ആഘോഷങ്ങളുടെ ഭാഗമായാണ് ഇത്തരം വിമാനങ്ങളുടെ സോൺ ഒരുക്കുന്നത്
ഇബ്രാഹിം ശംനാട്
ജിദ്ദ: പ്രവർത്തനരഹിതമായി നിലത്തിറക്കിയ പഴയ വിമാനങ്ങളെ ഇനി കഫേകളും തിയറ്ററുകളുമായി രൂപാന്തരപ്പെടുത്തുന്നു. നൂതന വാണിജ്യ സംരംഭമെന്ന നിലയില്, ഗ്രൗണ്ട് ചെയ്ത ബോയിങ് വിമാനങ്ങളെ കഫേകള്, റസ്റ്റാറന്റ്, മ്യൂസിക്കല് തിയറ്ററുകള് തുടങ്ങിയ വിവിധ ആവശ്യങ്ങൾക്കായി ഉപയോഗപ്രദമാക്കാനാണ് ശ്രമം. റിയാദില് ഇതിനായി നിർമിക്കുന്ന പുതിയ സോണ് രാജ്യത്തിെൻറ വിനോദ മേഖല മെച്ചപ്പെടുത്തുന്നതിനും വിവിധ പ്രായത്തിലുള്ളവരും സംസ്കാരത്തിലുള്ളവരുമായ സന്ദര്ശകരെ ആകര്ഷിക്കാനും സഹായിക്കുമെന്ന് പ്രതീക്ഷിക്കുന്നു.
റിയാദ് സീസണ് ആഘോഷങ്ങളുടെ ഭാഗമായാണ് ഇത്തരം വിമാനങ്ങളുടെ സോൺ ഒരുക്കുന്നത്. ബോളിവാർഡ് റണ്വേ എന്ന പേരിലാണ് ഈ സോൺ ഒരുക്കുന്നതെന്ന് ജനറല് എന്റര്ടൈന്മെന്റ് അതോറിറ്റി ഡയറക്ടര് ബോര്ഡ് ചെയര്മാന് തുര്ക്കി ബിന് അബ്ദുല് മുഹ്സിന് അൽ ശൈഖ് പ്രഖ്യാപിച്ചു.
സൗദി ഗ്രൂപ് ജനറല് മാനേജര് ഇബ്രാഹിം ബിന് അബ്ദുറഹ്മാന് അല് ഉമറിന്റെ സാന്നിധ്യത്തിൽ ജനറല് എൻറര്ടൈന്മെൻറ് അതോറിറ്റി സി.ഇ.ഒ. എൻജി. ഫൈസല് ബഫറത്തും സൗദി ഗ്രൂപ് മാര്ക്കറ്റിങ് മേധാവി ഖാലിദ് താഷും തമ്മില് ഒപ്പുവച്ച ധാരണപത്രത്തെ തുടര്ന്നാണ് ബൊളിവാര്ഡ് റണ്വേ അടുത്തിടെ പ്രഖ്യാപിച്ചത്. റിയാദ് സീസണും സൗദി അറേബ്യന് എയര്ലൈന്സും തമ്മിലുള്ള സഹകരണത്തോടെയുള്ള സോണിൽ വിമാനങ്ങളിലെ അതുല്യമായ അനുഭവങ്ങള് ഒരുങ്ങും.
പുതിയ സോണില് അഞ്ചുവിമാനങ്ങളിലായാണ് ഇങ്ങനെ വിവിധ പരിപാടികൾക്കായി രൂപപരിണാമം വരുത്തുന്നത്. അന്തരാഷ്ട്ര നിലവാരത്തിലുള്ള ഭക്ഷണ-പാനീയ ഒൗട്ട്ലെറ്റുകള്ക്ക് പുറമെ, അസാധാരണമായ വിമാനാനുഭവങ്ങള്, ഗെയിമിങ് പ്രകടനങ്ങള് എന്നിങ്ങനെയുള്ള വിവിധ പ്രവര്ത്തനങ്ങളുടെ സവിശേഷമായ സംയോജനം ബൊളിവാര്ഡ് റണ്വേയില് വാഗ്ദാനം ചെയ്യന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.