സ്വാതന്ത്ര്യ ദിനം : ഇന്ത്യൻ സമൂഹത്തിന്​ സ്​നേഹാംശസകൾ

ഇന്ന്​, കോവിഡ്​ -19 മഹാമാരിയെത്തുടർന്ന്​ ലോകം അഭൂതപൂർവമായ വെല്ലുവിളികളെ നേരിട്ടുകൊണ്ടിരിക്കുകയാണ്​. ഇൗ വൻ വിപത്തിനെ നേരിടാൻ ഒറ്റക്കെട്ടായ പോരാട്ടത്തിലാണ് ആഗോള സമൂഹം​. ഇക്കാര്യത്തിൽ, ഇന്ത്യയും ബഹ്​റൈനും പരസ്​പരം സഹകരിച്ചും ഏകോപനത്തോടെയുമാണ്​​ നീങ്ങുന്നത്​. കോവിഡ്​ -19 മഹാമാരിക്കിടയിലും ബഹ്​റൈനിലെ ഇന്ത്യൻ സമൂഹത്തി​ൻെറ ക്ഷേമം ഉറപ്പാക്കുകയും ഇന്ത്യക്കാരെ നാട്ടിലെത്തിക്കുന്നതിനുള്ള വന്ദേഭാരത്​ ദൗത്യത്തിന്​ പിന്തുണ നൽകുകയും ചെയ്യുന്ന ബഹ്​റൈൻ ഭരണ നേതൃത്വത്തോട്​​ നന്ദി പറയാൻ ഇൗ അവസരം ഞാൻ ഉപയോഗിക്കുകയാണ്​. കോവിഡ്​ -19 പ്രതിസന്ധി നേരിട​ുന്നതിനുള്ള പോരാട്ടം തുടരുന്നതിനൊപ്പം തന്നെ, സാമ്പത്തിക മേഖലയിൽ സ്ഥിരത ​കൈവരിക്കാനും വളർച്ച ത്വരിതപ്പെടുത്താനുമുള്ള നിരന്തരശ്രമങ്ങളും ഇന്ത്യ നടത്തിക്കൊണ്ടിരിക്കുകയാണ്​. കോവിഡ്​ -19 മഹാമാരി സൃഷ്​ടിച്ച സാമ്പത്തിക പ്രത്യാഘാതങ്ങൾ നേരിടുന്നതിനും ഇന്ത്യയെ അഞ്ച്​ ട്രില്യൺ ഡോളർ സമ്പദ്​ വ്യവസ്ഥയാക്കുകയെന്ന ലക്ഷ്യം സഫലീകരിക്കുന്നതിനും​ നിരവധി പരിഷ്​കാര നടപടികൾ ഇന്ത്യൻ സർക്കാർ സ്വീകരിച്ചിട്ടുണ്ട്​. സമൂഹത്തിലെ പാവപ്പെട്ടവരെയും ദുർബലരെയും വികസന അജണ്ടയുടെ മുഖ്യസ്ഥാനത്ത്​ പ്രതിഷ്​ഠിക്കുന്നതാണ്​​ ഇൗ നയതീരുമാനങ്ങൾ. അനായാസ ജീവിതത്തിനും അനായാസ ബിസിനസിനും ഇൗ പരിഷ്​കാരങ്ങൾ തുല്യ പ്രാധാന്യം നൽകുന്നു. ഇന്ത്യയെ സ്വയം പര്യാപ്​തമാക്കുന്നതിനും സമൃദ്ധവും അതിജീവന ശേഷിയുള്ളതുമായ ഒരു ലോകത്തേക്ക്​ നയിക്കുന്നതിനും ലക്ഷ്യമിട്ടുള്ള 'ആത്​മനിർഭർ ഭാരത്​ അഭിയാൻ' 2020 മേയിൽ പ്രധാനമന്ത്രി നരേന്ദ്ര മോദി പ്രഖ്യാപിച്ചു. കാർഷിക മേഖലയാണ്​ ഇൗ ലക്ഷ്യത്തി​ൻെറ നെടുംതൂൺ. വിളവെടുപ്പാനന്തര അടിസ്ഥാന സൗകര്യ വികസത്തിനും കൂട്ടുകൃഷിക്കും കാർഷിക സംരംഭകരെയും സ്​റ്റാർട്ടപുകളെയും പ്രോത്സാഹിപ്പിക്കുന്നതിനും ഇന്ത്യൻ സർക്കാർ ഒരു ലക്ഷം കോടി രൂപയുടെ (ഏകദേശം 13.3 ബില്യൺ യു.എസ്​ ഡോളർ) 'കാർഷിക അടിസ്ഥാന സൗകര്യ വികസന ഫണ്ട്​' രൂപവത്​കരിച്ചിട്ടുണ്ട്​. വിദേശ നിക്ഷേപത്തിന്​ ഏറ്റവും അനുകൂല രാജ്യമായും ഇന്ത്യ തുടരുന്നു​. കോവിഡ്​ -19 പ്രതിസന്ധിക്കിടയിലും 20 ബില്യൺ യു.എസ്​ ഡോളറി​ൻെറ നേരിട്ടുള്ള വിദേശ നിക്ഷേപം ഇന്ത്യയിൽ എത്തി. (2020 ഏപ്രിൽ-ജ​ൂലൈ കാലയളവിൽ). നിർണായകമായ ഉൗർജം, പ്രതിരോധ മേഖലകളിൽ നേരിട്ടുള്ള വിദേശ നിക്ഷേപ നയങ്ങൾ സർക്കാർ കൂടുതൽ ഉദാരമാക്കുകയും ചെയ്​തു. അങ്ങനെ, അവസരങ്ങളുടെ നാട്​ എന്ന സ്ഥാനം ഇന്ത്യ ഉൗട്ടിയുറപ്പിക്കുകയാണ്​. നയപരമായ ഇൗ ചുവടുവെപ്പുകളും പരിഷ്​കാരങ്ങളും ബഹ്​റൈനുമായുള്ള വർധിച്ച സാമ്പത്തിക സഹകരണത്തിനും അവസരങ്ങളൊരുക്കുന്നു. വ്യാപാരത്തിലൂടെയും ആളുകൾ തമ്മി​െല സമ്പർക്കത്തിലൂടെയും ഇന്ത്യയും ബഹ്​റൈനും തമ്മിൽ വളർന്നുവന്ന ചരിത്രപരവും നാഗരികവുമായ ബന്ധം നിരന്തരമായ ഉന്നതതല രാഷ്​ട്രീയ ഇടപെടലുകളിലുടെയും സമുദ്ര സുരക്ഷ, അടിസ്ഥാന സൗകര്യ വികസനം, നിക്ഷേപം, ഹൈ ടെക്​ മേഖലകൾ, ആരോഗ്യം, പുനരുപയോഗ ഉൗർജം, ബഹിരാകാശ സാ​േങ്കതികവിദ്യ തുടങ്ങിയ മേഖലകളിലെ സഹകരണത്തിന്​ പുതിയ സാധ്യതകൾ തുറന്നതിലൂടെതും കൂടുതൽ ദൃഢമായി. ബഹ്​റൈനിലെ ഉൗർജസ്വലരായ ഇന്ത്യൻ സമൂഹം നമ്മുടെ ഉഭയകക്ഷി ബന്ധത്തിലെ പ്രബലമായ നങ്കൂരമാണ്​. ഇന്ത്യയുടെയും ബഹ്​റൈ​ൻെറയും വളർച്ചക്കും പുരോഗതിക്കും അവരു​ടെ സംഭാവന ഇരു രാജ്യത്തി​ൻെറയും നേതൃത്വങ്ങൾ തുറന്നുസമ്മതിച്ച കാര്യമാണ്​. രണ്ടു​ രാജ്യവും തമ്മിലെ കാലങ്ങളുടെ പഴക്കമുള്ള ഉൗഷ്​മള ബന്ധവും സൗഹൃദവും സഹകരണവും കൂടുതൽ ശക്തമാക്കാനും വിപുലീകരിക്കാനുമായിരിക്കും ബഹ്​റൈനിലെ ഇന്ത്യൻ അംബാസഡർ എന്നനിലയിൽ എ​ൻെറ ഉദ്യമം. ഒപ്പം, ബഹ്​റൈനിലെ ഇന്ത്യൻ സമൂഹത്തി​ൻെറ ക്ഷേമം ഉറപ്പാക്കാനും പരിശ്രമിക്കും. ബഹ്​റൈനും ഇവിടത്തെ സുഹൃദ്​ ജനങ്ങൾക്കും വളർച്ചയും പുരോഗതിയും ​െഎശ്വര്യവും നേർന്നുകൊണ്ട്​ ഞാൻ ഉപസംഹരിക്കുന്നു. ഇന്ത്യ-ബഹ്​റൈൻ സൗഹൃദം നീണാൾ വാഴ​െട്ട!