ജിദ്ദയില് സന്ദർശനത്തിനെത്തിയ പ്രധാനമന്ത്രി നരേന്ദ്ര മോദിയോടും മറ്റ് പ്രമുഖരോടുമൊപ്പം ആസ്റ്റര് ഡി.എം
ഹെല്ത്ത് കെയര് മാനേജിങ് ഡയറക്ടറും ഗ്രൂപ് സി.ഇ.ഒയുമായ
അലീഷ മൂപ്പൻ ഉൾപ്പെടെയുള്ളവർ
റിയാദ്: സൗദി സന്ദർശനത്തിന് ജിദ്ദയിലെത്തിയ ഇന്ത്യൻ പ്രധാനമന്ത്രി നരേന്ദ്ര മോദിയെ ആസ്റ്റര് ഡി.എം ഹെല്ത്ത് കെയര് മാനേജിങ് ഡയറക്ടറും ഗ്രൂപ് സി.ഇ.ഒയുമായ അലീഷ മൂപ്പൻ സന്ദർശിച്ചു. ജിദ്ദയില് വെച്ച് പ്രധാന മന്ത്രി നരേന്ദ്ര മോദിയുമായി കൂടിക്കാഴ്ച നടത്താന് സാധിച്ചത് ഏറെ പ്രചോദനകരമായ മുഹൂര്ത്തമാണ് സമ്മാനിച്ചതെന്ന് അലീഷ മൂപ്പൻ പറഞ്ഞു.
അദ്ദേഹത്തെ കാണുമ്പോഴെല്ലാം ഇന്ത്യന് പ്രവാസി സമൂഹത്തിന്റെ ഭാഗമായതിന്റെ അഭിമാനവും സാധ്യതകളുമാണ് തിരിച്ചറിയുന്നത്. ഇന്ത്യയും മിഡില് ഈസ്റ്റും തമ്മിലുള്ള ബന്ധം, പ്രത്യേകിച്ച് സൗദി അറേബ്യയും യു.എ.ഇയും പോലുള്ള രാജ്യങ്ങളുമായുള്ള ബന്ധം ശക്തിപ്പെടുത്തുന്നതിന് അദ്ദേഹം നടത്തിയ ദീര്ഘ വീക്ഷണത്തോടെയുളള ഇടപെടലുകള് ശക്തമായ പ്രതിഫലനങ്ങള് സൃഷ്ടിച്ചിട്ടുണ്ട്.
ഇന്ത്യയില്നിന്നും വന്ന് പിതാവ് ഡോ. ആസാദ് മൂപ്പന് ജി.സി.സിയില് സ്ഥാപിച്ച ആസ്റ്റര് ശൃംഖലയുടെ വളര്ച്ച നോക്കികാണുമ്പോള് ഏറെ അഭിമാനം തോന്നുന്നു. സമാധാനം, സമൃദ്ധി, ആഗോള സഹകരണം എന്നിവയില് പ്രധാനമന്ത്രി പ്രകടിപ്പിക്കുന്ന ഊന്നല് ഞങ്ങളില് ആഴത്തില് സ്പര്ശിച്ചിട്ടുണ്ട്.
സൗദി അറേബ്യയിലെയും ഈ മേഖലയിലെയും വളര്ന്നുവരുന്ന ആരോഗ്യ പരിചരണ മേഖലക്ക് അർഥവത്തായ സംഭാവനകള് നല്കാന് ഞങ്ങള് പ്രതിജ്ഞാബദ്ധമാണ്. ആരോഗ്യ മേഖല, നവീകരണം, സാമ്പത്തിക വളര്ച്ച തുടങ്ങിയ മേഖലകളില് പ്രത്യേകിച്ചും ആഗോള തലത്തിലെ ആശയവിനിമയത്തില് ഇന്ത്യയുടെ വളരുന്ന പ്രാധാന്യം ഈ സന്ദര്ശനം വീണ്ടും ഊട്ടിയുറപ്പിക്കുന്നതായും അലീഷ മൂപ്പൻ കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.