ജിദ്ദ: ഫ്രഞ്ച് ഗ്രാൻറ്പ്രീയിൽ ചരിത്രം കുറിച്ച് സൗദി വനിത അസീൽ അൽഹമദ്. ഫ്രഞ്ച് ഗ്രാൻറ്പ്രീ സർക്യൂട്ടിൽ േഫാർമുല വൺ കാർ ഞായറാഴ്ച അവർ ഒാടിച്ചു. സൗദിയിൽ വനിതകൾക്ക് ഡ്രൈവിങിനുള്ള നിയന്ത്രണം നീക്കിയതിന് അഭിവാദ്യമർപ്പിച്ചാണ് ലെ കാസിലെ ട്രാക്കിൽ അസീൽ കാർ ഒാടിച്ചത്. ‘സൗദിയിൽ വനിതകൾ ഡ്രൈവ് ചെയ്യുന്നതിനുള്ള ആഘോഷം മാത്രമല്ല ഇന്ന് നടക്കുന്നത്. സൗദിയിലെ വനിത മോേട്ടാർ സ്പോർട്സ് രംഗത്തും പുതിയ അധ്യായം തുറക്കുകയാണ്’ ^ അസീൽ റോയിേട്ടഴ്സ് വാർത്ത ഏജൻസിയോട് പ്രതികരിച്ചു.
‘അടുത്ത തലമുറ പെൺകുട്ടികൾ സൗദിയിൽ മോേട്ടാർ സ്പോർട്സിലേക്കും കടന്നുവരും. അവരെ പരിശീലിപ്പിക്കാനും കരിയറായി തെരഞ്ഞെടുക്കുന്നതിന് പ്രേരിപ്പിക്കാനും ഞാൻ ആഗ്രഹിക്കുന്നു. എെൻറ ഏറ്റവും വലിയ നേട്ടം അതുതന്നെയായിരിക്കും.’ - അസീൽ പറഞ്ഞു. ഞായറാഴ്ച ആദ്യമായല്ല അസീൽ ഗ്രാൻറ്പ്രീയിൽ കാറോടിക്കുന്നത്. ട്രാക്ക് പരിചയപ്പെടാൻ ജൂൺ അഞ്ചിന് ഒാടിച്ചുനോക്കിയിരുന്നു. പക്ഷേ, അത് സ്വകാര്യ ചടങ്ങായിരുന്നു. ഞായറാഴ്ച കാണികളുടെ വൻ കൂട്ടത്തിന് മുന്നിലായിരുന്നു പ്രകടനം. 10 വർഷത്തിന് ശേഷമാണ് ഫോർമുല വൺ ഫ്രാൻസിലേക്ക് മടങ്ങിവരുന്നത്.
സൗദി അറേബ്യൻ മോേട്ടാർ സ്പോർട്സ് ഫെഡറേഷനിലെ ആദ്യ വനിത അംഗമാണ് അസീൽ. ഫോർമുല വണിെൻറ മാതൃസംവിധാനമായ ഇൻറർനാഷനൽ ഒാേട്ടാമൊബൈൽ ഫെഡറേഷന് കീഴിലുള്ള മോേട്ടാർ സ്പോർട്സ് കമീഷനിലും അംഗമാണ്. സൗദിയിൽ ആദ്യമായി ഫെറാറി കാർ ഇറക്കുമതി ചെയ്ത വനിതയും അസീലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.