അറേബ്യൻ ഡ്രൈവേഴ്സ് സംഘാടകർ വാർത്തസമ്മേളനത്തിൽ
റിയാദ്: റിയാദിലെ ഡ്രൈവർമാരുടെ കൂട്ടായ്മയായ അറേബ്യൻ ഡ്രൈവേഴ്സിന്റെ അഞ്ചാം വാർഷികാഘോഷവും കലാവിരുന്നും വെള്ളിയാഴ്ച അരങ്ങേറുമെന്ന് സംഘാടകർ വാർത്തസമ്മേളനത്തിൽ അറിയിച്ചു. റിയാദ് എക്സിറ്റ് ഒമ്പതിലെ ഫഹ്സ് ദൗരിയക്കടുത്തുള്ള അറബ് പാലസ് ഓഡിറ്റോറിയത്തിലാണ് പരിപാടി.
വാർഷികാഘോഷ പരിപാടികളുടെ ഭാഗമായി 'ഇശൽ അറേബ്യ' എന്ന ശീർഷകത്തിൽ ഒരുക്കിയ ഗാനമേളക്ക് പ്രശസ്ത മലയാള സിനിമ പിന്നണി ഗായകരായ അഫ്സൽ, അൻസാർ കൊച്ചിൻ, സജില സലിം, സജിലി സലിം എന്നിവർ നേതൃത്വം നൽകും.ലൈവ് ഓർക്കസ്ട്രയിൽ നടക്കുന്ന കലാവിരുന്ന് റിയാദിന് നവ്യാനുഭവം സമ്മാനിക്കുമെന്ന് സംഘാടകർ അവകാശപ്പെട്ടു. സാധാരണക്കാരായ ഡ്രൈവർമാരുടെ കൂട്ടായ്മ എന്ന നിലയിൽ കഴിഞ്ഞ അഞ്ചുവർഷത്തിനിടെ നിരവധി ജീവകാരുണ്യപ്രവർത്തനങ്ങൾ നടത്തിയതായും അവർ വിശദീകരിച്ചു. വാർത്തസമ്മേളനത്തിൽ പ്രസിഡന്റ് ജോർജ് തൃശൂർ, സെക്രട്ടറി മുഹമ്മദ്ഷാ വെഞ്ഞാറമൂട്, ട്രഷറർ ഷജീർ തിരുവനന്തപുരം, പ്രോഗ്രാം കൺവീനർ ജോജു ജോസ്, മീഡിയ കോഓഡിനേറ്റർ ബ്ലെസ്സൺ ജോൺ, ചാരിറ്റി വിങ് നവാസ് ചേളോട്, ഉനൈസ് പട്ടാമ്പി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.