മക്ക: കഅ്ബ കഴുകി. ചൊവ്വാഴ്ച രാവിലെയാണ് സൽമാൻ രാജാവിന് വേണ്ടി മക്ക ഗവർണർ അമീർ ഖാലിദ് അൽഫൈസലിെൻറ മേൽനോട്ടത്തിൽ കഅ്ബ കഴുകൽ ചടങ്ങ് നടന്നത്. പനനീർ എണ്ണ സംസമിൽ കലർത്തിയ മിശ്രിതത്തിലിട്ട് നനച്ച തുണി ഉപയോഗിച്ചാണ് കഅ്ബയുടെ അകവും ചുമരുകളും കഴുകിയത്. മസ്ജിദുൽ ഹറാമിലെത്തിയ മക്ക ഗവർണറെ ഇരുഹറം കാര്യാലയ മേധാവി ഡോ. അബ്ദുറഹ്മാൻ അൽസുസൈദസ്, ഹറം സുരക്ഷ സേന മേധാവി കേണൽ അബ്ദുല്ല അൽഉസൈമി എന്നിവർ ചേർന്നു സ്വീകരിച്ചു. ഇരുഹറം കാര്യാലയ മേധാവിക്ക് പുറമെ ഹജ്ജ്, ഉംറ കാര്യ മന്ത്രി ഡോ. മുഹമ്മദ് സ്വാലിഹ് ബൻതൻ, മന്ത്രിമാർ, പണ്ഡിതർ, കഅ്ബയുടെ താക്കോൽ സൂക്ഷിപ്പുകാരൻ, നയതന്ത്ര ഉദ്യോഗസ്ഥർ എന്നിവർ ചടങ്ങിൽ പെങ്കടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.