അബ്ദുൽ കരീം പനോലന് അമരമ്പലം പഞ്ചായത്ത് കെ.എം.സി.സിയുടെ ഉപഹാരം ജിദ്ദ കെ.എം.സി.സി ഭാരവാഹികൾ കൈമാറുന്നു
ജിദ്ദ: മൂന്ന് പതിറ്റാണ്ടിനിടയിൽ ജിദ്ദയിൽ വിവിധ മേഖലകളിലും 18 വർഷത്തോളം അൽ തമർ കമ്പനിയിലും ജോലി ചെയ്തശേഷം പ്രവാസം മതിയാക്കി നാട്ടിലേക്ക് മടങ്ങുന്ന ജിദ്ദ നിലമ്പൂർ മണ്ഡലം കെ.എം.സി.സി ഭാരവാഹിയും ജിദ്ദ അമരമ്പലം പഞ്ചായത്ത് കെ.എം. സി.സി പ്രസിഡൻറും ‘ജാപ്പ’യുടെയും കുറ്റമ്പാറ കൂട്ടായ്മയുടെയും എക്സിക്യൂട്ടിവ് അംഗവുമായ പനോലൻ അബ്ദുൽ കരീമിന് യാത്രയയപ്പ് നൽകി.
ഷറഫിയ ബാഗ്ദാദിയ സഫയർ ഓഡിറ്റോറിയത്തിൽ നടന്ന പരിപാടി ജിദ്ദ കെ.എം.സി.സി സെൻട്രൽ കമ്മിറ്റി ജനറൽ സെക്രട്ടറി വി.പി. മുസ്തഫ ഉദ്ഘാടനം ചെയ്തു. പ്രസിഡൻറ് മുസ്തഫ മുപ്ര അധ്യക്ഷത വഹിച്ചു. കെ.എം.സി.സി ജിദ്ദ സെൻട്രൽ, ജില്ല, മണ്ഡലം ഭാരവാഹികളായ, ഇസ്ഹാഖ് (നാണി മാസ്റ്റർ), സുബൈർ വട്ടോളി, പി.സി. ഇണ്ണി, ഇബ്രാഹീം പാട്ടക്കരിമ്പ്, കെ.ടി. ഉമർ (ചുങ്കത്തറ) സൽമാൻ, ടി.പി. റാഫി (വഴിക്കടവ്), അസ്ക്കർ, റഹ്മത്തുള്ള (കൂറ്റംബാറ), വി.പി. മുനീർ ശിഹാബ് പൊറ്റമ്മൽ, അബ്ദുസമദ് മുണ്ടശ്ശേരി, ഉമർ അടുക്കത്ത് എന്നിവർ സംസാരിച്ചു. മനാഫ് അച്ചു കൊമ്പൻ സ്വാഗതവും ശരീഫ് തങ്ങൾ നന്ദിയും പറഞ്ഞു. അബ്ദുൽ കരീം പനോലൻ യാത്രയപ്പിന് മറുപടി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.