ജിദ്ദ: മദീന റോഡിലെ സാസ്ക്കോ പെട്രോള് പമ്പിന് സമീപം അല്അംനയിലുണ്ടായ വാഹനാപകടത്തില് പാലക്കാട് മുണ്ടൂര് സ്വദേശി സാമ്പ്രിക്കല് വീട്ടില് സജി മാത്യു (42) മരിച്ചു. ആക്സില് പൊട്ടി വാഹനം തലകീഴായി മറിഞ്ഞാണ് അപകടം. എ.സി ടെക്നീഷ്യനായ സജി ജോലി സ്ഥലത്ത് നിന്ന് ജിദ്ദയിലേക്ക് മടങ്ങുമ്പോള് ചൊവ്വാഴ്ച പുലര്ച്ചെയാണ് അപകടം. രണ്ട് മലയാളികളും രണ്ട് പാകിസ്താനികളുമാണ് വാഹനത്തിലുണ്ടായിരുന്നത്. ഗുരുതരമായി പരിക്കേറ്റ പാക് പൗരന് മുനീറിനെയും റമസാനെയും മദീനയിലെ ആശുപത്രിയില് പ്രവേശിപ്പിച്ചു. ഇവര് സഹോദരങ്ങളാണ്. പരിക്കേറ്റ കോട്ടയം സ്വദേശി സിബിയും ചികിത്സയിലാണ്. ഇദ്ദേഹത്തിന്െറ പരിക്ക് ഗുരുതരമല്ല. കോഴിക്കോട് കോടഞ്ചേരി നുറമ്മത്തോട് താമസമാക്കിയ സജി മാത്യു 15 വര്ഷമായി സൗദിയിലുണ്ട്. പിതാവ്: മാത്യു. മാതാവ:് സിസിലി. ഭാര്യ: അന്നമ്മ ദേവസ്യ ജിദ്ദ നാഷനല് ആശുപത്രിയില് നഴ്സാണ്. മക്കള്: ആല്ബിന്, ആവല്, അലീന. ജിദ്ദ മക്രോണയിലാണ് ഇവര് താമസിക്കുന്നത്. മൃതദേഹം നാട്ടില് കൊണ്ട് പോയി സംസ്കരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.