ജുബൈല് : റോഡാപകടത്തില് പരിക്കേറ്റവരെ രക്ഷിക്കാനായി അപകട സ്ഥലത്ത് ഇറങ്ങിയ യുവാവ് വാഹനമിടിച്ച് മരിച്ചു. ജുബൈല് റിഗ് ടെസ്കോ കമ്പനി ജീവനക്കാരന് മലപ്പുറം സ്വദേശി സക്കീര് (35 ) ആണ് മരിച്ചത്. കഴിഞ്ഞ ദിവസം ദമ്മാം ജുബൈല് ഹൈവേയിലായിരുന്നു അപകടം. കമ്പനിയിലെ മറ്റൊരു ജീവനക്കാരനെ വിമാനത്താവളത്തില് വിടാന് പോകുമ്പോഴായിരുന്നു ദുരന്തം. ഹൈവേയില് മറ്റൊരു വാഹനം അപകടത്തില് പെട്ട് കിടക്കുന്നത് കണ്ട് അവര്ക്ക് വേണ്ട സഹായം നല്കി തിരികെ വണ്ടിയില് കയറുമ്പോള് പാഞ്ഞു വന്ന വാഹനം ഇടിക്കുകയായിരുന്നു. ഉടന് തന്നെ ജുബൈല് നേവല് ബേസ് ആശുപത്രിയില് എത്തിച്ചെങ്കിലും ശനിയാഴ്ച രാവിലെ മരിച്ചു.
മോര്ച്ചറിയില് സൂക്ഷിച്ചിരിക്കുന്ന മൃതദേഹം നാട്ടില് കൊണ്ട്പോകുന്നതിനുള്ള നടപടികള് തുടങ്ങി. ഭാര്യ ഹൂര്ന്നിസ. മക്കള്: നിസാം , സിനാന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.