ജിദ്ദ: തൊഴില്താമസ നിയമലംഘകരെ കണ്ടത്തെുന്നതിന് ബവാദിയില് പൊലീസ് നടത്തിയ റെയ്ഡില് 400 ഓളം പേര് പിടിയില്. ജിദ്ദ പൊലീസ് മേധാവി കേണല് മസ്ഊദ് ബിന് ഫൈസല് അദ്വാനിയുടെ മേല്നോട്ടത്തില് കഴിഞ്ഞ ദിവസം പുലര്ച്ചെയാണ് റെയ്ഡ് നടന്നത്. ഇഖാമ കാലാവധി തീര്ന്നവര്, വ്യാജ ഇഖാമക്കാര്, കുറ്റകൃത്യങ്ങളില് പിടികിട്ടേണ്ടവര്, നുഴഞ്ഞുകയറിയവര്, സ്പോണ്സറുടെ കീഴിലല്ലാത്തവര് എന്നിവര് പിടിയിലായവരിലുണ്ട്. നിയമംലഘിച്ച് നടത്തിവരുന്ന തുന്നല്ക്കടകള്, ഫര്ണിച്ചര്, ജിപ്സം വര്ക്ഷോപ്പുകള്, ഗോഡൗണുകള് എന്നിവയും കണ്ടത്തെി. നിയമലംഘകരെ താമസിപ്പിച്ച 48 വീടുകളിലേക്കുള്ള വൈദ്യുതി വിഛേദിക്കാന് നിര്ദേശം നല്കുകയും കെട്ടിട ഉടമകളെ ചോദ്യംചെയ്യാന് വിളിപ്പിക്കുകയും ചെയ്തിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.