ബുറൈദ: കൊല്ലം പാവുമ്പ സ്വദേശി രേഷ്മ ഭവനില് രാധാകൃഷ്ണന് ശിവറാം (50) ബുറൈദയിലുണ്ടായ വാഹനാപകടത്തില് മരിച്ചു. രാധാകൃഷ്ണന് ഓടിച്ച വാഹനം കനത്ത മഴയെ തുടര്ന്നുണ്ടായ വെള്ളക്കെട്ടില് നിന്ന് പോയപ്പോള് തള്ളിമാറ്റാന് ശ്രമിക്കുന്നതിനിടെ യമന് പൗരന് ഓടിച്ച കാര് ഇടിച്ചാണ് അപകടമുണ്ടായത്. ബുറൈദ അല്ബൈക്ക് റസ്റ്റോറന്റിന് സമീപമായിരുന്നു അപകടം. 22 വര്ഷമായി ബുറൈദ അല്ഫറഹ് ആശുപത്രിയിലെ ജീവനക്കാരനാണ്. രാധിക ദേവിയാണ് ഭാര്യ. മക്കള്: രേഷ്മ കൃഷ്ണന്, അക്ഷയ് കൃഷ്ണന്. ബുറൈദ ബി.എം.സി മോര്ച്ചറിയില് സൂക്ഷിച്ചിരിക്കുന്ന മൃതദേഹം നാട്ടില് എത്തിക്കാനുള്ള നിയമ നടപടികള് അല്ഖസീം ‘പ്രവാസി’ നേതൃത്വത്തില് പൂര്ത്തിയാക്കി. തിങ്കളാഴ്ച പുലര്ച്ചെ ജിദ്ദയില് നിന്നും കൊച്ചിയിലേക്കുള്ള സൗദി എയര്ലൈന്സ് വിമാനത്തില് കൊണ്ടുപോകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.