മക്ക: സാഹിര് കാമറകള് മറച്ചുപിടിച്ച് നിയമലംഘനങ്ങളില് നിന്ന് രക്ഷപ്പെടാന് ശ്രമിക്കുന്നവര്ക്കെതിരെ ശിക്ഷാനടപടികളുണ്ടാകുമെന്ന് മക്ക ട്രാഫിക് മേധാവി കേണല് ത്വല്അത്ത് അല് മന്സൂരി പറഞ്ഞു. ഇങ്ങനെയുള്ള പ്രവര്ത്തനങ്ങള് ഒരിക്കലും അംഗീകരിക്കില്ല. ട്രാഫിക് നിയമലംഘനങ്ങള് ഇല്ലാതാക്കുകയും ഗതാഗതം വ്യവസ്ഥാപിതമാക്കുകയും ചെയ്ത് നല്ളൊരു ട്രാഫിക് സംസ്കാരം സമൂഹത്തില് രൂപപ്പെടുത്തുകയാണ് സാഹിര് കാമറകളിലൂടെ ലക്ഷ്യമിടുന്നത്. ചിലയാളുകള് വിചാരിക്കുന്നതുപോലെ കാശ് ഈടാക്കുന്നതിനുള്ള മാര്ഗമല്ല സാഹിര് കാമറകളെന്നും മക്ക ട്രാഫിക് മേധാവി പറഞ്ഞു. സാഹിര് കാമറകളും റോഡുകളിലെ വേഗതയും അറിയിച്ചുള്ള ബോര്ഡുകള് നിരത്തുകളില് സ്ഥാപിച്ചിട്ടുണ്ട്. ഈ രംഗത്തെ നിയമലംഘനങ്ങള് തടയാന് ട്രാഫിക് വകുപ്പ് ശ്രമിച്ചുകൊണ്ടിരിക്കുന്നുണ്ടെന്നും മക്ക ട്രാഫിക് മേധാവി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.