തൊ​ഴി​ൽ മ​ന്ത്രാ​ല​യം ബോ​ധ​വ​ത്ക​ര​ണ കാ​മ്പ​യി​ൻ നടത്തി

ദോ​ഹ: വേ​ന​ൽ​ക്കാ​ല​ത്ത് അ​ന്ത​രീ​ക്ഷ താ​പ​നി​ല ഉ​യ​രു​ന്ന സാ​ഹ​ച​ര്യ​ത്തി​ൽ തൊ​ഴി​ലാ​ളി​ക​ൾ​ക്കി​ട​യി​ൽ ബോ​ധ​വ​ത്ക​ര​ണ​വു​മാ​യി തൊ​ഴി​ൽ മ​ന്ത്രാ​ല​യം. പൊ​തു​ജ​നാ​രോ​ഗ്യ മ​ന്ത്രാ​ല​യ​ത്തി​ന്റെ​യും വ​ർ​ക്കേ​ഴ്‌​സ് സ​പ്പോ​ർ​ട്ട് ആ​ൻ​ഡ് ഇ​ൻ​ഷു​റ​ൻ​സ് ഫ​ണ്ടി​ന്റെ​യും സ​ഹ​ക​ര​ണ​ത്തോ​ടെ ചൂ​ട് മൂ​ല​മു​ണ്ടാ​കു​ന്ന അ​പ​ക​ട​സാ​ധ്യ​ത​ക​ൾ ഉ​യ​ർ​ത്തി​ക്കാ​ട്ടു​ന്ന​തി​നും പ്ര​തി​രോ​ധ രീ​തി​ക​ൾ പ്ര​ച​രി​പ്പി​ക്കു​ന്ന​തി​നു​മാ​യി രാ​ജ്യ​വ്യാ​പ​ക​മാ​യി ബോ​ധ​വ​ത്ക​ര​ണ കാ​മ്പ​യി​ൻ ആ​രം​ഭി​ച്ചു.

വി​വി​ധ ക​മ്പ​നി​ക​ളെ​യും തൊ​ഴി​ൽ മേ​ഖ​ല​ക​ളെ​യും ല​ക്ഷ്യ​മി​ട്ട് സം​ഘ​ടി​പ്പി​ക്കു​ന്ന ഈ ​കാ​മ്പ​യി​ൻ, തൊ​ഴി​ലാ​ളി​ക​ളു​ടെ ആ​രോ​ഗ്യ​സു​ര​ക്ഷ​യും സു​ര​ക്ഷി​ത​മാ​യ ജോ​ലി അ​ന്ത​രീ​ക്ഷ​വും ഉ​റ​പ്പാ​ക്കു​ന്ന​തി​നു​മു​ള്ള ശ്ര​മ​ങ്ങ​ളു​ടെ ഭാ​ഗ​മാ​ണ്. ഉ​യ​ർ​ന്ന അ​ന്ത​രീ​ക്ഷ താ​പ​നി​ല മൂ​ലം ഉ​ണ്ടാ​കാ​നി​ട​യു​ള്ള ത​ല​ക​റ​ക്കം, ത​ല​വേ​ദ​ന, ക്ഷീ​ണം, ബോ​ധം ന​ഷ്ട​പ്പെ​ട​ൽ തു​ട​ങ്ങി​യ ല​ക്ഷ​ണ​ങ്ങ​ളെ​ക്കു​റി​ച്ച് തൊ​ഴി​ലാ​ളി​ക​ളെ ബോ​ധ​വ​ത്ക​രി​ക്കു​ക, പ​രി​ഹാ​ര മാ​ർ​ഗ​നി​ർ​ദേ​ശം ന​ൽ​കു​ക എ​ന്നി​വ​യാ​ണ് കാ​മ്പ​യി​നി​ലൂ​ടെ ല​ക്ഷ്യ​മി​ടു​ന്ന​ത്.

വി​വി​ധ വി​ഭാ​ഗ​ങ്ങ​ളി​ലെ വി​ദ​ഗ്ധ​ർ കാ​മ്പ​യി​നി​ൽ പ​ങ്കെ​ടു​ത്തു. ക​മ്പ​നി​ക​ൾ അ​വ​രു​ടെ തൊ​ഴി​ലാ​ളി​ക​ൾ​ക്കാ​യി ചൂ​ട് സ​മ്മ​ർ​ദ പ്ര​തി​രോ​ധ​ത്തെ​ക്കു​റി​ച്ച് പ​രി​ശീ​ല​നം, ത​ണു​ത്ത കു​ടി​വെ​ള്ള വി​ത​ര​ണം, വി​ശ്ര​മ കേ​ന്ദ്ര​ങ്ങ​ൾ സ്ഥാ​പി​ക്ക​ൽ, മെ​ഡി​ക്ക​ൽ പ​രി​ശോ​ധ​ന​ക​ൾ തു​ട​ങ്ങി​യ പ്ര​തി​രോ​ധ ന​ട​പ​ടി​ക​ൾ ന​ട​പ്പാ​ക്ക​ണ​മെ​ന്ന് മ​ന്ത്രാ​ല​യം ആ​വ​ശ്യ​പ്പെ​ട്ടു.