സൂ​ഖി​ൽ കു​തി​രോ​ത്സ​വം

ദോ​ഹ: കു​തി​ര​പ്രേ​മി​ക​ൾ​ക്ക് മ​നം നി​റ​യു​ന്ന കാ​ഴ്ച​യു​മാ​യി സൂ​ഖ് വാ​ഖി​ഫി​ൽ ഇ​ക്വ​സ്ട്രി​യ​ൻ ഫെ​സ്റ്റി​ന് തു​ട​ക്ക​മാ​യി. എ​ട്ടു ദി​വ​സ​ങ്ങ​ളി​ലാ​യി ന​ട​ക്കു​ന്ന സൂ​ഖ് വാ​ഖി​ഫ് മേ​ള ജ​നു​വ​രി 21ന് ​സ​മാ​പി​ക്കും. സൂ​ഖി​ലെ വെ​സ്റ്റേ​ൺ സ്ക്വ​യ​റി​ലാ​ണ് ത​ദ്ദേ​ശീ​യ​വും അ​ന്ത​ർ​ദേ​ശീ​യ​വു​മാ​യി കു​തി​ര​ക​ളു​ടെ വി​ശാ​ല​മാ​യ കാ​ഴ്ച​യും പ്ര​ക​ട​ന​വും ഒ​രു​ക്കു​ന്ന ഫെ​സ്റ്റ് അ​ര​ങ്ങേ​റു​ന്ന​ത്. ആ​റാ​മ​ത് അ​റേ​ബ്യ​ൻ കു​തി​ര പ്ര​ദ​ർ​ശ​ന​ത്തോ​ടെ​യാ​ണ് ഫെ​സ്റ്റി​ന് തു​ട​ക്കം കു​റി​ച്ച​ത്. മൂ​ന്നു ദി​വ​സ​ങ്ങ​ളി​ലാ​യി ന​ട​ക്കു​ന്ന അ​റേ​ബ്യ​ൻ കു​തി​ര ഷോ ​വ്യാ​ഴാ​ഴ്ച സ​മാ​പി​ക്കും. കി​ഡ്സ് ഹെ​റി​റ്റേ​ജ് ആ​ൻ​ഡ് ഇ​വ​ന്റ്സ് കോ​മ്പി​റ്റീ​ഷ​ൻ, 14ാമ​ത് ഖ​ത്ത​ർ അ​റേ​ബ്യ​ൻ പെ​നി​ൻ​സു​ല ഹോ​ഴ്സ് ഷോ, ​അ​റേ​ബ്യ​ൻ കു​തി​ര ലേ​ലം തു​ട​ങ്ങി​യ​വ​യു​മാ​യി ഫെ​സ്റ്റ് ജ​നു​വ​രി 21വ​രെ തു​ട​രും.

വി​വി​ധ വി​ഭാ​ഗ​ങ്ങ​ളി​ലാ​യി ശ​ക്ത​മാ​യ മ​ത്സ​ര​ങ്ങ​ൾ​ക്കാ​ണ് ഇ​ത്ത​വ​ണ സൂ​ഖ് വാ​ഖി​ഫ് മേ​ള സാ​ക്ഷ്യം വ​ഹി​ക്കു​ന്ന​തെ​ന്ന് ജ​ന​റ​ൽ സൂ​പ്പ​ർ​വൈ​സ​ർ അ​ബ്ദു​ൽ റ​ഹ്മാ​ൻ അ​ൽ നാ​മ അ​റി​യി​ച്ചു. ഒ​രു വ​യ​സ്സ് മു​ത​ലു​ള്ള ​വി​വി​ധ ഇ​ന​ങ്ങ​ളി​ൽ​പെ​ടു​ന്ന മ​ത്സ​ര​ക്കു​തി​ര​ക​ളും മ​റ്റും ഫെ​സ്റ്റി​ന്റെ ​ഭാ​ഗ​മാ​ണ്. അ​റേ​ബ്യ​ൻ കു​തി​ര പ്ര​ദ​ർ​ശ​ന​ത്തി​ൽ 92 കു​തി​ര​ക​ളാ​ണ് പ​​ങ്കെ​ടു​ക്കു​ന്ന​ത്. എ​ക്കാ​ല​ത്തെ​യും വ​ലി​യ പ​ങ്കാ​ളി​ത്ത​മാ​ണി​തെ​ന്ന് അ​ദ്ദേ​ഹം പ​റ​ഞ്ഞു. ര​ണ്ട്, മൂ​ന്ന്, നാ​ല്, ആ​റ് തു​ട​ങ്ങി​യ പ്രാ​യ വി​ഭാ​ഗ​ങ്ങ​ളി​ൽ മ​ത്സ​ര​ങ്ങ​ളു​ണ്ട്.

ആ​ദ്യ ദി​ന​ത്തി​ലെ ര​ണ്ട് വ​യ​സ്സ് വി​ഭാ​ഗ​ത്തി​ൽ ന​ട​ന്ന മ​ത്സ​ര​ത്തി​ൽ കാ​ൽ​തും അ​ൽ നാ​സ​ർ വി​ജ​യി​ച്ചു. ജി.​സി.​സി രാ​ജ്യ​ങ്ങ​ളി​ൽ​നി​ന്നു​ള്ള പ​ങ്കാ​ളി​ത്ത​വും ഇ​ത്ത​വ​ണ വ​ർ​ധി​ച്ചി​ട്ടു​ണ്ട്. എ​ല്ലാ ദി​വ​സ​ങ്ങ​ളി​ലും വൈ​കു​ന്നേ​രം വി​വി​ധ കാ​യി​ക മ​ത്സ​ര​ങ്ങ​ളും മ​റ്റും ഒ​രു​ക്കി​യി​ട്ടു​ണ്ട്.