മൈനകളെ തുരത്താൻ നടപടികൾ കർശനമാക്കി ഖത്തർ

ദോ​ഹ: ഖ​ത്ത​റി​ന്റെ പ​രി​സ്ഥ​തി​യി​ലെ നു​ഴ​ഞ്ഞു​ക​യ​റ്റ​ക്കാ​രാ​യ മൈ​ന​ക​ൾ​ക്കെ​തി​രെ ന​ട​പ​ടി​ക​ൾ ക​ർ​ശ​ന​മാ​ക്കി പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യം. പ​രി​സ്ഥി​തി​ക്ക് ആ​ഘാ​ത​മാ​യ ഈ ​കു​ടി​യേ​റ്റ പ​ക്ഷി​ക​ളു​ടെ എ​ണ്ണം നി​യ​ന്ത്രി​ക്കു​ന്ന​തി​നാ​യി സം​ഘ​ടി​പ്പി​ച്ച കാ​മ്പ​യി​നി​ൽ പൊ​തു​ജ​ന​ങ്ങ​ൾ സ​ഹ​ക​രി​ക്ക​ണ​മെ​ന്ന് മ​ന്ത്രാ​ല​യം ആ​വ​ശ്യ​പ്പെ​ട്ടു. പൊ​തു​ജ​ന​ങ്ങ​ൾ​ക്കാ​യു​ള്ള നി​ർ​ദേ​ശ​ങ്ങ​ളും എ​ക്സ് പോ​സ്റ്റി​ലൂ​ടെ മ​ന്ത്രാ​ല​യം വി​ശ​ദീ​ക​രി​ച്ചി​ട്ടു​ണ്ട്.

മൈ​ന​യു​ടെ വ്യാ​പ​നം മൂ​ല​മു​ണ്ടാ​കു​ന്ന അ​പ​ക​ട​ങ്ങ​ളെ​ക്കു​റി​ച്ച് അ​വ​ബോ​ധം വ​ള​ർ​ത്ത​ണ​മെ​ന്നും വ്യാ​പ​നം ത​ട​യാ​ൻ സ​ഹാ​യി​ക്കു​ന്ന​തി​ന് കു​ടും​ബാം​ഗ​ങ്ങ​ളു​മാ​യും സു​ഹൃ​ത്തു​ക്ക​ളു​മാ​യും ഈ ​വി​വ​ര​ങ്ങ​ൾ പ​ങ്കി​ട​ണ​മെ​ന്നും മ​ന്ത്രാ​ല​യം ആ​വ​ശ്യ​പ്പെ​ടു​ന്നു. ഇ​ന്റ​ർ​നാ​ഷ​ന​ൽ യൂ​നി​യ​ൻ ഫോ​ർ ക​ൺ​സ​ർ​വേ​ഷ​ൻ ഓ​ഫ് നേ​ച്വ​റി​ന്റെ (ഐ.​യു.​സി.​എ​ൻ) പ​ട്ടി​ക പ്ര​കാ​രം ലോ​ക​ത്തി​ലെ ഏ​റ്റ​വും ആ​ക്ര​മ​ണാ​ത്മ​ക​മാ​യ പ​ക്ഷി​യി​ന​ങ്ങ​ളി​ൽ ഒ​ന്നാ​യി മൈ​ന​യെ ത​രം​തി​രി​ച്ചി​ട്ടു​ണ്ട്.

മ​റ്റ് പ​ക്ഷി​മൃ​ഗാ​ദി​ക​ളോ​ട് ആ​ക്ര​മ​ണാ​ത്മ​ക സ്വ​ഭാ​വം പ്ര​ക​ടി​പ്പി​ക്കു​ന്ന​തി​നു പു​റ​മേ, വി​ള​ക​ൾ​ക്ക് ഭീ​ഷ​ണി​യാ​കു​ക​യും പ​ക്ഷി​പ്പ​നി, മ​ലേ​റി​യ തു​ട​ങ്ങി​യ രോ​ഗ​ങ്ങ​ൾ വ്യാ​പി​പ്പി​ക്കാ​ൻ സാ​ധ്യ​ത​യു​ണ്ടെ​ന്ന് മാ​ർ​ക്കു​ല 2009ൽ ​ന​ട​ത്തി​യ പ​ഠ​ന​ത്തി​ൽ പ​റ​യു​ന്നു.

മ​ന്ത്രാ​ല​യ​ത്തി​ന്റെ നി​ർ​ദേ​ശ​ങ്ങ​ൾ

മൈ​ന​ക​ൾ ഒ​ത്തു​ചേ​രു​ന്ന ഇ​ട​ങ്ങ​ളോ കൂ​ടു​കൂ​ട്ടു​ന്ന സ്ഥ​ല​ങ്ങ​ളോ ക​ണ്ടാ​ൽ റി​പ്പോ​ർ​ട്ട് ചെ​യ്യ​ണം. ഇ​തി​ലൂ​ടെ മൈ​ന​ക​ളു​ടെ വ്യാ​പ​നം ഫ​ല​പ്ര​ദ​മാ​യി കൈ​കാ​ര്യം ചെ​യ്യാ​നും നി​യ​ന്ത്രി​ക്കാ​നും സാ​ധി​ക്കും.

മൈ​ന​ക​ൾ​ക്ക് ഭ​ക്ഷ​ണ​ങ്ങ​ൾ ന​ൽ​ക​രു​തെ​ന്ന് താ​മ​സ​ക്കാ​ർ​ക്ക് നി​ർ​ദേ​ശ​മു​ണ്ട്. തു​റ​സ്സാ​യ സ്ഥ​ല​ങ്ങ​ളി​ൽ, പ്ര​ത്യേ​കി​ച്ച് വ​ള​ർ​ത്തു​മൃ​ഗ​ങ്ങ​ൾ​ക്ക് ഭ​ക്ഷ​ണം ന​ൽ​കി​യ ശേ​ഷം അ​വ​ശേ​ഷി​ക്കു​ന്ന​വ ഒ​ഴി​വാ​ക്കാ​ൻ പ്ര​ത്യേ​കം ശ്ര​ദ്ധി​ക്ക​ണം.

ചു​മ​രു​ക​ളി​ലും മേ​ൽ​ക്കൂ​ര​ക​ളി​ലും സ​മീ​പ​ത്തെ മ​ര​ങ്ങ​ളി​ലും ഇ​വ​യ്ക്ക് കൂ​ടു​കൂ​ട്ടാ​നു​ള്ള സാ​ധ്യ​ത​യി​ല്ലെ​ന്ന് ഉ​റ​പ്പാ​ക്ക​ണം

മൈ​ന​ക​ളെ പി​ടി​ക്കാ​ൻ പൊ​തു​സ്ഥ​ല​ങ്ങ​ളി​ൽ സ്ഥാ​പി​ച്ചി​രി​ക്കു​ന്ന കൂ​ടു​ക​ളും കെ​ണി​ക​ളും കേ​ടു​വ​രു​ത്തു​ക​യോ ന​ശി​പ്പി​ക്കു​ക​യോ ചെ​യ്യ​രു​ത്. പി​ടി​കൂ​ടി​യ പ​ക്ഷി​ക​ളെ കൈ​കാ​ര്യം ചെ​യ്യാ​ൻ പ​രി​ശീ​ല​നം ല​ഭി​ച്ച ടീ​മു​ക​ളെ അ​നു​വ​ദി​ക്കു​ക.