ദോഹ: പൊതുജനാരോഗ്യ മന്ത്രി ഡോ. ഹനാൻ മുഹമ്മദ് അൽ കുവാരി ലോകാരോഗ്യ സംഘടനാ ഡയറക്ടർ ജനറൽ ഡോ. ടെഡ്റസ് അഥാനം ഗെബ്രയേസസുമായി കൂടിക്കാഴ്ച നടത്തി. ജനീവയിലെ ആസ്ഥാനത്ത് നടക്കുന്ന ലോകാരോഗ്യ സംഘടനയുടെ എക്സിക്യൂട്ടിവ് ബോർഡിൻറ 146ാമത് സെഷനോടനുബന്ധിച്ചായിരുന്നു കൂടിക്കാഴ്ച. എക്സിക്യൂട്ടിവ് ബോർഡ് സെഷനിൽ ഖത്തർ സംഘത്തിന് നേതൃത്വം നൽകുന്നത് ഡോ. അൽ കുവാരിയാണ്. ആൻറിമൈേക്രാബിയൽ റെസിസ്റ്റൻസ്, പേഷ്യൻറ് സേഫ്റ്റി, ലോകകപ്പുമായി ബന്ധപ്പെട്ട അടിയന്തര തയാറെടുപ്പുകൾ, ഫിഫയും ലോകാരോഗ്യ സംഘടനയും തമ്മിെല സഹകരണം എന്നിവയെല്ലാം ചർച്ച ചെയ്തു.
2022ൽ ആരോഗ്യത്തിന് മുൻതൂക്കം നൽകുന്ന ലോകകപ്പ് നടത്താൻ ഖത്തറുമായും ഫിഫയുമായും ചേർന്ന് പ്രവർത്തിക്കുമെന്നും രോഗികളുടെ സുരക്ഷ സംബന്ധിച്ച് കഠിന പ്രയത്നം നടത്തുന്ന ഖത്തർ ആരോഗ്യമന്ത്രി ഡോ. അൽ കുവാരിക്ക് നന്ദി അറിയിക്കുന്നതായും കൂടിക്കാഴ്ചക്കിടെ ഡോ. ഗബ്രയേസുസ് പറഞ്ഞു.
ലോകാരോഗ്യ സംഘടനയുടെ വിവിധ വകുപ്പ് നേതാക്കളുമായും മേധാവികളുമായും ഡോ. അൽ കുവാരി കൂടിക്കാഴ്ച നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.