ദോഹ: കേന്ദ്ര വിദേശകാര്യമന്ത്രി സുഷമ സ്വരാജ് ദ്വിദിന സന്ദർശനത്തിനായി ഖത്തറിലെത്തുന്നു. ഒക്ടോബര് 28ന് ദോഹയിലെത്തുന്ന സുഷമ സ്വരാജ് ഖത്തർ ഭരണാധികാരികളുമായും ഇന്ത്യൻ പ്രവാസി സമൂഹത്തിെൻറ പ്രതിനിധികളുമായും കൂടിക്കാഴ്ച നടത്തും. വിദേശകാര്യമന്ത്രിയായ ശേഷമുള്ള സുഷമയുടെ ആദ്യ ഖത്തര് സന്ദര്ശനമാണിത്. അമീര് ശൈഖ് തമീം ബിന് ഹമദ് ആല്ഥാനി, ഉപ പ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിന് അബ്ദുല്റഹ്മാന് ആല്ഥാനി എന്നിവരുമായി ചര്ച്ച നടത്തും. വിവിധ മേഖലകളിൽ സഹകരണം ശക്തമാക്കുന്നത് ചർച്ചയിൽ വിഷയമാകും. ഇന്ത്യന് പ്രവാസി സംഘടനാപ്രതിനിധികളുമായും വ്യാപാരപ്രമുഖരുമായും ആശയവിനിമയം നടത്തും. ഒക്ടോബര് 29ന് ദോഹ ഷെറാട്ടണ് ഹോട്ടലിലാണ് പരിപാടി. ഒക്ടോബർ 30, 31 തീയതികളില് കുവൈത്തും സന്ദര്ശിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.