ദോഹ: ഖത്തറിൽ മലയാളി ഫാർമസിസ്റ്റുകളുടെ കൂട്ടായ്മയായ കേരള ഫാർമസി ഫോറം ഖത്തർ (കെ.പി.എഫ്.ക്യു) വാർഷിക പൊതുയോഗം ദോഹയിലെ ക്രൗൺ പ്ലാസയിൽ സംഘടിപ്പിച്ചു.
കെ.പി.എഫ്.ക്യൂ വൈസ് പ്രസിഡന്റ് ടി.പി. അക്ബർ സ്വാഗതം പറഞ്ഞു.
പ്രസിഡന്റ് ജാഫർ ചാലിലകത്ത് അധ്യക്ഷത വഹിച്ചു. ഇന്ത്യൻ എംബസി കൗൺസിലർ ആഞ്ജലീന പ്രേമലത മുഖ്യാതിഥിയായി. ഐ.ബി.പി.സി പ്രസിഡന്റ് ജാഫർ സാദിക്, ഐ.സി.ബി.എഫ് പ്രസിഡന്റ് സിയാദ് ഉസ്മാൻ എന്നിവരും യോഗത്തിൽ സന്നിഹിതരായിരുന്നു.
സംഘടനയുടെ പ്രഥമ മാഗസിൻ ഇന്ത്യൻ എംബസി കൗൺസിലർ അഞ്ജലീന പ്രേമലത വെൽകെയർ ഗ്രൂപ് എം.ഡി അഷറഫ് കെ.പിക്ക് നൽകി പ്രകാശനം നിർവഹിച്ചു. എഡിറ്റർ ഷഹന ഇല്യാസ് മാഗസിൻ പരിചയപ്പെടുത്തി. കെ.പി.എഫ്.ക്യു തുടർ വിദ്യാഭ്യാസ പരിപാടിയുടെ ഔദ്യോഗിക പ്രഖ്യാപനവും ഉദ്ഘാടനവും ജാഫർ സാദിക്ക് നിർവഹിച്ചു. ആരോഗ്യ പ്രവർത്തകരുടെ തുടർ വിദ്യാഭ്യാസ പരിപാടികളുടെ പ്രാധാന്യത്തെപ്പറ്റി സെക്രട്ടറി ജെറ്റി ജോർജ് യോഗത്തിൽ വിശദീകരിച്ചു. അംഗങ്ങൾക്കായി സംഘടിപ്പിക്കപ്പെട്ട കായികമത്സരങ്ങളുടെ സമ്മാനദാനം സിയാദ് ഉസ്മാൻ നിർവഹിച്ചു. വരും വർഷങ്ങളിൽ കൂടുതൽ വിപുലമായി കലാകായിക മത്സരങ്ങൾ അംഗങ്ങൾക്കായി സംഘടിപ്പിക്കുമെന്ന് കായിക വിഭാഗം കൺവീനർ ആരിഫ് അറിയിച്ചു. ട്രഷറർ അസീസ് പുറായിൽ നന്ദി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.