ദോഹ: ‘ഗൾഫ് മാധ്യമ’വും മീഡിയ വണ്ണും ചേർന്നൊരുക്കിയ ‘മിഷൻ വിങ്സ് ഓഫ് കംപാഷൻ’ പദ്ധതിയിൽ പങ്കാളികളാകാൻ ഖത്തറിലെ വിവിധ കൂട്ടായ്മകളും. പദ്ധതിയിലേക്ക് ഖത്തറിലെ പ്രമുഖ കമ്മ്യൂണിറ്റി സംഘടനയായ ഖത്തർ കാലിക്കറ്റ് കമ്മിറ്റി തെക്കുംപുറത്തിലെ (ക്യു.സി.സി) ഒരംഗം മൂന്ന് സൗജന്യ വിമാനടിക്കറ്റുകളാണ് നൽകിയത്. പദ്ധതി ഏറെ മഹത്തരമായ കാര്യമാണെന്നും പങ്കാളികളാകാൻ കഴിയുന്നതിൽ ഏെറ സന്തോഷമുെണ്ടന്നും അദ്ദേഹം പറഞ്ഞു.
നാടണയാൻ ആശയേറെയുണ്ടായിട്ടും വിമാനടിക്കറ്റിന് പണമില്ലെന്ന കാരണത്താൽ കഷ്ടപ്പെടുന്ന പ്രവാസികൾക്കായി ഒരുക്കിയ പദ്ധതിയാണ് ‘മിഷൻ വിങ്സ് ഒാഫ് കംപാഷൻ’.
ദിനംതോറും പദ്ധതിയുമായി സഹകരിക്കാൻ ഉദാരമനസ്കർ എത്തുകയാണ്. ഇന്ത്യൻ എംബസിയിൽ പേര് ചേർത്ത് യാത്രക്ക് തെരഞ്ഞെടുക്കപ്പെട്ട അർഹർക്കാണ് പദ്ധതിയിലൂടെ സൗജന്യവിമാനടിക്കറ്റ് നൽകുക.
കോവിഡിൻെറ പശ്ചാത്തലത്തിൽ ഇന്ത്യക്കാരെ നാട്ടിലെത്തിക്കാൻ ഇന്ത്യൻ സർക്കാർ അയക്കുന്ന പ്രത്യേക വിമാനങ്ങളിലെ യാത്രക്ക് തെരഞ്ഞെടുക്കപ്പെട്ടിട്ടും ടിക്കറ്റിന് പണമില്ലാതെ നിരവധി പേരാണ് കഷ്ടപ്പെടുന്നത്.
നൻമ വറ്റാത്ത പ്രവാസി സമൂഹവും വ്യവസായ നായകരും നിശബ്ദ സേവകരും കൈകോർത്താണ് ‘വിങ്സ് ഒാഫ് കംപാഷൻ’ പദ്ധതി യാഥാർഥ്യമാക്കുന്നത്. പദ്ധതിയുമായി സഹകരിക്കാൻ താൽപര്യമുള്ളവർക്ക് ഖത്തറിൽ 00974 5509 1170 നമ്പറിൽ വാട്സ്ആപ്പ് ചെയ്യാം. രജിസ്റ്റർ ചെയ്തവരിൽനിന്ന് തുടർഅന്വേഷണം നടത്തിയാണ് സൗജന്യടിക്കറ്റിന് അർഹരായ ആളുകളെ തെരഞ്ഞെടുക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.